TIRANË- Damian Gjiknuri, anëtari i maxhorancës në Këshillin Politik kërkon që palët të ulen në tryezë për të diskutuar ndryshimet kushtetuese. Gjiknuri në një e-mail që ua ka bërë anëtarëve të tjerë në Këshillin Politik, shprehet se takimi të bëhet të hënën osë të martën.
Deputeti i Partisë Socialiste njofton se në takim do të jetë dhe kryeministri Edi Rama, i cili iu përgjigj pozitivisht ftesës së Ilir Metës dhe Lulzim Bashës për të vijuar diskutimet për Reformën Zgjedhore. Ai shton se në rend dite do të jetë nisma e 28 deputetëve për ndërhyrje në Kushtetutë, e cila ka marrë miratimin në parim në Komisionin e Ligjeve.
E-MAIL-I I GJIKNURIT
Sikurse jeni në dijeni, përmes Komisionit Parlamentar për Çështjet Ligjore, Administratën Publike dhe të Drejtat e Njeriut, Kuvendi i Shqipërisë ka filluar shqyrtimin e projektligjit për ndryshime në Kodin Zgjedhor, dokument i depozituar nga një grup deputetësh të maxhorancës dhe që përmban produktin e dakordësuar në tryezën e Këshillit Politik. Gjithashtu, paralelisht përmes Këshillit për Legjislacionin dhe Komisionit për Çështjet Ligjore, Administratën Publike dhe të Drejtat e Njeriut, Kuvendi i Shqipërisë ka shqyrtuar nismën e 28 deputetëve të opozitës parlamentare të cilët propozojnë ndryshime në Kushtetutën e Republikës së Shqipërisë që lidhen me hapjen e listave zgjedhore dhe vendosjen e një pragu kombëtar.
Duke ndjekur deklarimet e opozitës jashtëparlamentare në lidhje me procesin e shqyrtimit nga Kuvendi të propozimit të deputetëve të opozitës parlamentare, për ndryshimet në Kushtetutën e Republikës së Shqipërisë dhe me vullnetin për të ballafaquar pikëpamjet tona përmes dialogut konstruktiv, ju propozoj: Mbledhjen ditën e hënë apo të martë (përkatësisht në 20 ose 21 Korrik, sipas disponimit tuaj), ora 11:00, të një tryeze të Këshillit Politik me temë diskutimi ndryshimet e miratuara nga Komisioni i Ligjeve në Kushtetutën e Republikës së Shqipërisë.
Duke ju informuar se në këtë mbledhje Partia Socialiste do të përfaqësohet përveçse nga unë edhe nga kryetari Rama, ju bëj me dije se në rast dëshire edhe prezenca e kryetarëve përkatës të opozitës jashtëparlamentare, do të ishte plotësisht e mirëpritur nga ana jonë. Vendi i zhvillimit të tryezës propozoj të mbetet i njëjti në mjediset e Pallatit të Kongreseve.
Kërkesa për takim vjen në një kohë kur Partia Demokratike dhe Ilir Meta kërkuan që diskutimet për Reformën Zgjedhore të vijojnë vetëm në Këshillin Politik. Ftesës së opozitës dhe Presidentit, kryeministri Edi Rama iu përgjigj pozitivisht dhe kërkon që takimi të bëhet të hënën dhe njoftoi se këtë herë do shkonte vetë. Ndërkohë opozita e re kundërshton takimin dhe e quan një pazar.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Në kuadër të 2-vjetorit të themelimi të Aleancës për Dhurimin e Gjakut, Presidenti i Republikës, Ilir Meta vlerësoi sot Organizatën Shqiptare të Dh...
PËRMET– Ish-kryeministri Sali Berisha ka bërë një denoncim të fortë në rrjetet sociale. Përmes një statusi në profilin e tij në facebook, Berisha shk...
TIRANË- Opozita e bashkuar shprehet se është gati të takohet në Këshillin Politik me Kryeministrin dhe maxhorancën për të vijuar dialogun dhe për ndryshime...
TIRANË- Presidenti Ilir Meta dhe opozita e bashkuar kanë dalë sot me një qëndrim të përbashkët dhe kërkojnë që të gjitha ndryshimet në Kodin Zgjedhor dhe K...
TIRANË- Eurodeputetja Isabel Santos flet për Dosja.al dhe shpjegon arsyet se pse Parlamenti Evropian ndryshoi deklaratën e pasdites së djeshme ku tri eurod...
TIRANË- Deputetja Rudina Hajdari për propozimin e bërë nga Presidenti dhe opozita që në Këshillin Politik të diskutohet dhe ndryshimet kushtetuese. Në një ...
BRUKSEL- Komisioni Evropian ka miratuar sot një paketë ndihme për Shqipërisë, si mbështetje për programin e rindërtimit pas tërmetit të 26 nëntorit. Në një njof...
TIRANË- Ish-kryetari i Komisionit Qendror të Zgjedhjeve Kristaq Kume, i ftuar në rubrikën “Opinion” në “News 24” deklaroi se Reforma Zgjedhore duhet që të...
TIRANË- Kryeministri Edi Rama ka ndërruar sërish qëndrim për sa i përket ndryshime kushtetuesë që po bëhen në Kuvendin e Shqipërisë. Pas ftesës së Ilir Met...
Kancelarja Merkel zakonisht e përfytyron ditëlindjen e saj ndryshe. Por Angela Merkeli do ta kalojë 17 korrikun me 26 kolegët e saj evropianë, dhe me sa duket p...