TIRANË– Kryeministri Edi Rama ka kohë edhe për të realizuar marrëveshjen me opozitën që ndryshon Kodin Zgjedhor edhe atë me opozitën e Re për të ndryshuar Kushtetutën. Koalicionet për kryesocialistin nuk sjellin medoemos demokraci, ndërsa listat e hapura përkahen nga PS, sepse anketimet kanë treguar se populli shqiptar e ka kthyer në trend tanimë, listat e hapura. Gjatë një konference të njoftuar mesditën e të premtes, pasi Komisioni i Ligjeve miratoi me 16 vota në parim ndryshimin e Kushtetutës dhe ndalimin e koalicioneve, Rama tha se vendimi për hapjen e listave nuk lidhet me kalkulimet elektorale. “Nuk kam unë dëshirë që të vazhdoj të pikturohem si njeriu që do të kontrollojë gjithcka, do listat e mbyllura. Por koha do e tregojnë se nuk janë recetë çudibërëse.”,-tha Rama.
Ndalimin e koalicioneve nuk e sheh si të pamundur pasi sipas Ramën, marrëveshjet mund të realizohen mes partive të tjera. “Patjetër që listat e hapura e bëjnë të pamundur formulën aktuale të koalicioenve, se i bie që të kemi në një fletë votimi, llogariteni, artimetikisht, 40 parti këtej dhe 40 andej, nga 35 kandidatë në Tiranë, një fletë votimi që do të ishte një qilim nga universiteti deri te monumenti i Skënderbeut. Por kjo nuk do të thotë se kemi ndonjë tendencë apo qëllim që të pengojmë marrëveshjet, kjo është cështje e tyre“.-tha ai.
Kryeministri theksoi se PS nuk e ka patur kauzë çështjen e listave të hapura, por e do populli. “Ne nuk kemi patur listat e hapura si kauzë por anketimet kanë treguar trendin në rritje”.
I pyetur në lidhje me qëndrimin e Partisë Socialiste, pas deklaratave të ndërkombëtarëve në lidhje me shtyrjen e këtyre ndryshimeve të Kushtetutës. Rama tha se “kjo është hera e fundit që PS bën një marrëveshje në ambasadë”, ndërsa iu saktësoi komisionerit për Zgjerimin Oliver Varhelyi dhe ambasadores amerikane, Yuri Kim, se ka kohë 1 vit për të dyja ndryshimet, dhe nëse nuk miratohen propozimet e opozitës së re atëherë, “edhe për marrëveshjen e 5 qershorit nuk ka kohë kalendarike”.
Rama u zotua disa herë se marrëveshja e 5 qershorit nuk do të preket, dhe se është i gatshëm ta bëjë Bashën dhe PD pjesë të fitores. “Unë nuk punoj që PS të humbasë dhe të fitojë PD. Unë patjetër jam i gatshëm të bëj Bashën dhe PD pjesë të fitores.”,-tha ai.
Por si do ta bëjë Bashën pjesë të fitores? “Fitorja ime është që Shqipëria të vijojë dhe të bëhet më e mirë, të ecë më shpejt në rrugën e integrimit, dhe pjesë e kësaj fitoreje do të dëshiroja që të kisha Bashën dhe PD-në por edhe të tjerët. Diskutimi për c’ka po flasim sot sipas kornizës kushtetuese për të hapura listat, ka filluar shumë kohë më parë. Parlamenti është legjitim dhe sovran.”,-tha Rama, ndërsa më tej, saktësoi se nuk do të ketë zgjedhje të parakohshme, as vendore. “Zgjedhje të parakohshme vendore nuk do të ketë,” tha Edi Rama sot.
Për ndryshimet në kabinet, dhe se nëse ministrat i kanë kaluar të dy provimet “tërmetin dhe pandeminë”, Rama tha se: Provimet janë në proces nën kornizën e autonomisë së universiteteve, unë nuk ndërhyj kush ngel apo kalon.
Konferenca u zhvillua një orë pasi Komisioni i Ligjeve,me një seancë të beftë, e me një votim të dyshimtë hodhi poshtë marrëveshjen e 5 qershorit. Maxhoranca ka mbështetur opozitën e re, për të votuar paketën me ndryshimet kushtetuese, ku miratohen 3 ndryshime të kundërshtuara nga opozita PD-LSI. E para, ndalimi i koalicioneve parazgjedhore, së dyti, listat e hapura dhe së treti pragu 5% për partitë e vogla. Drafti me ndryshime do të kalojë në Kuvend, ndërsa PS dhe kryeministri Edi Rama kanë dalë publikisht hapur këtij vendimi. Komisioneri Oliver Varhelyi ka kundërshtuar këtë akt, duke thënë se e vetmja marrëveshje që duhet të miratohet është ajo e 5-qershorit, ndërsa propozime të tjera, duhet të diskutohen më vonë.
(k.m;f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË -Deputeti Lefter Maliqi ka reaguar një ditë pasi ai së bashku me 5 kolegë deklaruan qëndrimin e tyre po marrëveshjes së 5 qershorit për reformën zgj...
TIRANË- Ditën e sotme në orën 11:30 deputetët si Myslim Murrzi, Edmond Stojku dhe Nimet Musai do të zhvillojnë një takim me Knut Fleckenstein. Mësohet se ...
TIRANË– Ministrja e Infrastrukturës, Belinda Balluku ka sqaruar gafën e bërë në Kuvend lidhur me pagesën e rrugës Milot-Fier. E ftuar në emisionin “R...
TIRANË- Ministri për Diasporën, Pandeli Majko nuk i dha një përgjigje pyetjes nëse Erion Veliaj do të jetë apo jo pasardhës i Edi Ramës. Në emisionin “Rep...
VLORË- Ambasadorja e Shteteve të Bashkuara të Amerikës, Yuri Kim është ndalur gjerësisht tek reforma zgjedhore, për të cilën u arrit një marrëveshje dakord...
TIRANË- Ambasadorja e SHBA-ve Yuri Kim thotë nuk e ka idenë se çfarë ndodhi me tërheqjen e ambasadores së nominuar për në Shqipëri Kathleen Ann Kava...
TIRANË- 0.75 euro do të duhet të paguajë çdo automjet që do të kalojë në autostradën Milot-Fier. Por deputeti, Ervin Bushati, thotë se cilitdo që kj...
TIRANË- Ministri i Diasporës, Pandeli Majko, i ka mbyllur derën e bashkëpunimit opozitës së re. Në një intervistë në emisionin “Repolitix”, Majko u shpreh ...
TIRANË- Sekretari i Përgjithshëm i PD, Gazment Bardhi, ka folur sot për procesin e hapjes së partisë. Në një intervistë në Syri Tv, Bardhi ka folur dhe për...