TIRANË- Kontrolli i Lartë i Shtetit ka përfunduar hetimet paraprake dhe ka kallëzuar në Prokurori, drejtorin e Kadastrës në Mirditë pasi ka regjistruar prona në kundërshtim me ligjin. Sipas raportit të KLSH, bëhet me dije se nga auditimi janë konstatuar një sërë shkeljesh.
Më tej shtohet se regjistrimi i pronave të bëra nga ish-regjistruesi me iniciale A.P dhe kreu i Kadastrës në Mirditë, J.P është cënuar interesi publik pasi kanë bërë tjetërsime të pronave nga shteti në persona privat në mënyrë të paligjshme.
RAPORTI I KLSH
Në 17 raste, kanë regjistruar pasuri truall + ndërtesë, të përfituara me vendime të pushtetit vendor me shkelje të dispozitave ligjore, mungon dokumentacioni që pasqyron hartografisht gjendjen e pasurisë para vitit 1991. Në 10 raste, kanë regjistruar pasuri truall + ndërtesë, që rrjedhin nga vendimet e Bashkisë Mirditë në kundërshtim me kërkesat ligjore, pa paguar detyrimet financiare për truallin e përfituar, si e ardhur e munguar në buxhetin e shtetit në vlerën totale 8,406 mijë, lekë. Në 5 raste për sipërfaqe 1037 m2 ka kryer veprime, duke mos zbatuar kërkesat ligjore, pasi dokumentacioni i origjinës së fitimit të pronësisë(Vendimi i KKKP-së përkatës), nuk është origjinal, por fotokopje i pa noterizuar, si dhe janë hequr kufizimet mbi këto pasuri, në kushtet e mos plotësimit të kërkesave.
Në 8 raste, në ZK 1666, ka regjistruar pasuritë e paluajtshme me sipërfaqe 2700 m2 dhe ndërtesa me sipërfaqe totale 613 m2, në zona urbane të fshati, pasi mungon dokumenti që shërben si akt administrativ për fitimin e pronësisë, duke regjistruar në total truallin. Në 15 raste, në ZK 1666 ka regjistruar pasuritë e paluajtshme për poseduesit e AMTP-ve përkatëse, duke mos zbatuar kërkesat ligjore, pasi është regjistruar një sipërfaqe toke në total prej 95600 m2,më tepër se sipërfaqja takuese sipas AMTP-ve përkatëse. Në 20 raste të evidentuara janë regjistruar dhe kryer veprime për pasuri të regjistruara sipas AMTP por nuk janë zbatuar kriteret ligjore, pasi nuk janë bërë më parë diferencat LN-AMTP dhe ka rezultuar një sipërfaqe më e madhe se ajo e evidentuar me LN prej 53639 m2.
Në 2 rast në ZK 3563, kanë regjistruar me të dhënat e aktit (sipërfaqja në m2) të korrigjuara dukshëm dhe sipërfaqja e të gjitha pasurive dhënë me AMTP, del e ndryshme nga sipërfaqja e regjistrimit fillestar të këtyre pasurive, e pasqyruar në KPP, duke regjistruar më shumë një sipërfaqe prej 4750 m2. Në 3 raste, në ZK 3224, ka regjistruar pasuritë e paluajtshme dhe ka kryer veprime për këto pasuri, duke hequr kufizimet, pa u korrigjuar parregullsitë dhe shkeljet e konstatuara më parë, të llojit “mungon dosja e privatizimit, mungon marrëdhënia me truallin po kështu dhe me pasuri me kufizim nga Agjencia e Trajtimit Kredive per detyrimin 2.299 mijë lekë. Kanë kryer veprime në regjistrat e pasurive të paluajtshme në kushtet me persona të pautorizuar, është bërë ndryshimi i llojit të pasurisë nga lumë në truall, pasuri të cilat janë të pa tjetërsueshme dhe nuk i nënshtrohen asnjë lloj regjimi juridik tjetërsimi. Dokumentacioni në dosje nuk është origjinal.
Janë kryer veprime fiktive regjistrimi objekte Hec-i, pa u ndërtuar asnjë objekt, ndërkohë që është hedhur në planshetë hartë kadastrale, një objekt që nuk ekziston. Në 6 raste kanë regjistruar pasuritë e paluajtshme me parregullsi, pasi dokumentacioni ligjor urbanistik nuk është origjinal, por fotokopje i panoterizuar, ka pasaktësi të dhënash, si dhe është kryer në mungesë të marrëdhënieve me truallin, janë kryer veprime në kushtet kufizimit. Në 2 raste nuk përputhen sipërfaqet ndërmjet sheshit ndërtimit dhe vendosjes së objekteve vendosja e objektit 2-3 katesh e, rezulton që gjysma e tij është pozicionuar jashtë pasurisë. Në të gjitha rastet në ZK 3224, kanë regjistruar pasuritë e paluajtshme bazuar në Leje legalizimi, ku rezulton se regjistrimi është kryer me parregullsi, pasi për poseduesit e lejeve të legalizimit janë miratuar parcela ndërtimore që rezultojnë si prona të bashkisë,mungon miratimin nga Bashkia Mirditë si pronare e ligjshme e pasurisë.
Në 6 raste pasuri të përfituara me leje legalizimi rezultoi se për pasuritë e regjistruara nuk ka certifikatë familjare. Janë kryer veprimet në (KPP) përshkrimi i pasurisë, duke ndryshuar llojin e saj nga ranishte në truall, pa ndjekur procedurën e ndryshimit të kategorisë së tokës. Në 8 raste për 8 subjekte, sipas referencave është regjistruar një sipërfaqe trualli 1765 m2 dhe ndërtimi 589 m2, në zbatim të VKM nr. 608, datë 05.09.2012, rezulton se regjistrimi është kryer me shkelje të dispozitave ligjore, pasi mungon dokumentacioni nga arkivi teknik i ndërtimit, që pasqyron hartografisht gjendjen e pasurisë para vitit 1991 dhe nuk ka asnjë dokument tjetër kofirmues(lidhur me ekzistencën e objektit para vitit 1991) me efekt financiar në vlerë 2,800,000 lekë.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kolegji i Posaçëm i Apelimit ka lënë në fuqi vendimin e marrë nga Komisioni i Pavarur i Kualifimit, për shkarkimin e Alfred Gjonit, kr...
TIRANË– Dosja.al ka zbardhur detaje të reja në lidhje me marrëdhënien që kishte Adjola Lakra me Sebastian Malin, personin që e shtyu të lidhje dhe të nxirr...
TIRANË- Shqipëria është një ndër vendet me numrin më të lartë të aksidenteve. Numri i lartë i aksidenteve ka sjellë shpesh ndryshimin e kuadrit ligjor. Der...
SHBA– Departamenti i Shtetit ka publikuar sot raporin për Trafikun e qenieve njerëzore për vitin 2020. Në raport një pjesë i është dedikuar Shqipërisë dhe bëhet...
TIRANË- Ditën e sotme në në emisionin “Shqipëria Live” ka qenë i ftuar Aristotel Dhëmbi ,babai i 12 vjeçarit që u dhunua nga babai i shokut të kla...
TIRANË– Për të folur më tepër rreth zhvillimeve të fundit në Kosovë ku presidenti Hashim Thaçi dhe kreu i PDK-së Kadri Veseli akuzohen për kri...
TIRANË– Dy persona, drjetues mjetesh kanë mbetur të plagosur pasi janë përfshirë në një aksident masiv në Tiranë. Mësohet se ngjarja ka ndodhur në Ti...
LIBRAZHD- Mësuesit e Shkollës së Mesme së Bashkuar Orenjë, Librazhd denoncojnë në emisionin Fiks Fare mos kompesimin e pagesës së transportit. Këta mësues, iu d...
Teksa vendi ynë çdo ditë po përballet me shifra të larta të rasteve me koronavirus, vjen një apel i fortë nga mjekët shqiptarë në Europë. Përmes një lidh...
TIRANË– Adiola Lakra, 27-vejçarja që u bë e njohur për publikun shqiptar si kurthi i Hekuran Billës, nuk është femra e parë që ka pranuar të ç...