Bota

Tsipras dhe Zaev në Shkup: Kemi humbur shumë kohë, do ta kompensojmë

2 Prill 2019, 12:09 Nga DOSJA
Tsipras dhe Zaev në Shkup: Kemi humbur shumë kohë, do ta

SHKUP– Kryeministri i Greqisë, Aleksis Tsipras bashkë me homologun e tij, Zoran Zaev kanë mbajtur një konferencë për shtyp.

Tsipras u shprehur se të dyja vendet kanë humbur shumë kohë dhe se tani duhet që ta kompensojnë atë.

“Po mundohemi të thellojmë bashkëpunimin dhe të lëmë anësh urrejtjet. Kjo nuk do të jetë sukses vetëm për Greqinë dhe Maqedoninë e Veriut, por do të jetë sukses për gjithë rajonin. Vizita ime është vizita e parë e një kryeministri grek. Kemi humbur shumë kohë, andaj duhet ta kompensojmë”, tha Cipras duke shtuar se Greqia ishte vendi i parë që nënshkroi protokollin për anëtarësimin e Maqedonisë në NATO. Çështja më e rëndësishme në takimin e sotëm ishte çështja ekonomike, sepse nuk kemi kohë për të humbur, përkundrazi duhet përshpejtuar. Duhet t’i tejkalojmë të gjitha hendeqet. Delegacioni imë përbëhet nga më shumë se 100 biznesmen, me të vetmin qëllim që të ndërtojmë raporte më të mira ekonomike në të ardhmen. Greqia do të bëj përpjekje që të ndihmojë Maqedoninë në rrugën e saj për integrim në Bashkimin Evropian”, deklaroi Aleksis Cipras, kryeministër i Greqisë.

Ndërsa në fjalën tij, kryeministri i Maqedonisë së Veriut, Zoran Zaev u shpreh se nënshkrimi i Marrëveshjes së Prespër ishte nënshkrimi i vetë historisë.

“Nga nënshkrimi i Marrëveshjes së Prespës, nënshkruam historinë. Greqia ishte e para që e nënshkroi protokollin. Gjatë këtyre ditëve Tsipras ka bërë apel për anëtarësimin e vendit tonë në NATO. Tani e tutje do të shihni dy vende mike, të cilat me vendime të guximshme shkojnë para drejt ardhmërisë. Marrëveshja e Prespës dhe zbatimi i saj janë garanci për të ardhmen e dy vendeve”, tha Zaev.

Marrëveshja e Prespës

Në verën e vitit 2018, kryeministrat Tsipras dhe Zaev janë dakorduar për emrin e ri: “Republika Maqedonia e Veriut”. Në këmbim Athina ka pranuar të mos e pengojë anëtarësimin e vendit në NATO. Vendimi është miratuar edhe në Parlamentin e Greqisë, në janar të vitit 2019. Opozita në Maqedoninë e Veriut ka qënë kundër, ndërsa protesta ka pasur edhe në Greqisë. Për arritjen e marrëveshjes mes dy vendeve, Tsipras dhe Zaev janë të nominuar për çmimin Nobel për paqe.

Në vizitë e tij në Maqedoninë e Veriut, Tsipas shoqërohet nga gruaja e tij Betty Baziana, nga 20 ministra dhe më shumë se 140 biznesmenët, të cilët mund të investojnë në shtetin fqinj.  Ai është kryeministri i parë grek që viziton vendin që nga pavarësia e tij, plot 28 vite më parë.

(k.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni aleksis tsipras maqedonia e veriut tsipras viziton maqedonine e veriut zoran zaev aleksis tsipras maqedonia e veriut tsipras viziton maqedonine e veriut zoran zaev

Sondazh

Poll

MË SHUMË