Politike

FOTOT/ Publikohet teza e Matematikës, Vokshi: Shahini duhet të mbajë përgjegjësi

15 Qershor 2020, 09:14 Nga DOSJA
FOTOT/ Publikohet teza e Matematikës, Vokshi: Shahini duhet të

TIRANË- Maturantët në të gjithë vendin janë duke zhvilluar provimin e Matematikës, por tashmë teza është publike. Në një postim në Facebook, ish-deputetja e PD, Albana Vokshi ka publikuar foto dhe thotë se ministria ka dështuar sërish. Vokshi në reagimin e saj shprehet se testi i matematikës është zbuluar dhe Besa Shahini duhet të mbajë përgjegjësi.

“Edhe #testin e #matematikës opozita e nxori? U tha me bujë të madhe nga Ministrja e Arsimit, Besa Shahini, se testi i matematikës është hermetik se janë marre masa të mos dalë dhe të tjera broçkulla si këto. Ka 3 ditë që për të mbuluar dështimin e saj, sulmon opozitën, por prapë dështoi.

Thirri mësuesit në oborrin e shkollës, duke rrezikuar shëndetin e tyre për të bërë shoë me masat gjoja të forta antikopjim, u hoqi celularët, i detyroi të firmosin deklarata për pushim nga puna, në rast të shkeljes së rregullave dhe çfarë bëri? Asgjë! Turi mund t’ia kishte dalë mbanë kësaj situate më mirë sesa e dështuara Besa Shahini dhe shefi i saj Edi Rama. Testi i matematikës është zbuluar dhe Besa Shahini duhet të mbajë përgjegjësi”, shkruan Vokshi.

Pak ditë më parë dhe testi i Gjuhës Shqipe dhe Letërsisë është bërë publik para daljes së nxënësve nga shkollat. Për këto raste nga Ministria e Arsimit nuk ka ende një reagim zyrtar.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike albana vokshi matura shetetërore 2020 testi i matematikes albana vokshi matura shetetërore 2020 testi i matematikes

Sondazh

Poll