TIRANË- Kreu i Grupit Parlamentar “Demokrat”, Myslim Murrizi u takua ditën e sotme me disa kryetarë të partive të vogla. Në fokus të takimit ishte reforma zgjedhore dhe kërkesat e opozitës parlamentare për të dhënë votat pro për miratimin e Kodit të Ri Zgjedhor. Gjatë takimit, Murrizi parashtroi sërish kërkesat e opozitës në Kuvend për të dhënë votën, dhe ato janë të pandryshuara; listat e hapura, depolitizimi i administratës zgjedhore dhe vota e emigrantëve.
Sipas Murrizit, listat e hapura përdoren në 23 nga 27 vende të BE. Njëkohësisht ai u shpreh se 3 partitë më të mëdha tremben nga vota e emigrantëve. Deputeti demokrat vijoi më tej duke thënë se jemi i vetmi vend ku në 30 vite nuk njihen zgjedhjet. “Ne kemi kërkuar lista të hapura, votë emigrantësh dhe administratë zgjedhore. T’i japim mundësi qytetarëve të zgjedhin. Të jemi 1 herë të vetme të qetë në zgjedhje. Jemi i vetmi vend që në 30 vjet nuk kemi njohur zgjedhjet“, u shpreh Murrizi.
Ndërkohë pas takimit, Murrizi u ndal për mediat, ndërsa bëri me dije lëvizjet e radhës të opozitës së re. Murrizi tregoi se ditën e nesërme do të takohen me kreun e Kuvendit, Gramoz Ruçi, ndërsa më pas me kryeministrin Edi Rama. Deputeti demokrat përsëriti qëndrimin e opozitës së re, për të mos votuar reformën zgjedhore. Ndër të tjera ai paralajmëroi edhe një qëndrim radikal, nëse nuk merren parasysh kërkesat e tyre.
“Nesër do takojmë kryetarin e parlamentit për të diskutuar pse anashkalohet institucioni më i lartë që është parlamenti. Presim që pas orës 9 të jemi edhe një takim me kryetarin e PS zotin Rama. Hap pas hapi të gjitha do ti shikojmë, mund të ketë edhe një qëndrim radikal”, tha Murrizi.
Opozita Parlamentare ka deklaruar më herët se nuk do të bashkojë votat me mazhorancën për reformën zgjedhore, nëse nuk plotësohen kushtet e listave të hapura, vota e emigrantëve dhe ndryshimi i administratës zgjedhore. Gjithashtu deputetët e opozitës në parlament i dërguan një letër ambasadorëve Luigi Soreca dhe Yuri Kim, ku u shprehën të ofenduar për mospërfshirje në tryezën e diskutimeve, ndërsa parashtruan edhe kërkesat e tyre.
(g.sh/dosjal.al)
1 vit nga zgjedhjet e 25 prillit si e shikoni gjendjen e vendit:
TIRANË- Deputeti Damian Gjiknuri tha në një lidhje në emisionin “Opinion” se marrëveshja zgjedhore ka një rrezik real për të mos u votuar në parlament. Kem...
Tiranë– Deputetja Rudina Hajdari në emisionin “Opinion” ka deklaruar se mazhoranca do përballet me opozitën parlamentare lidhur me votimin e Reformës Zgjedhore....
Tiranë- Përfaqësuesi i Partisë Demokratike në Këshillin Politik të Reformës Zgjedhore, Oerd Bylykbashi ka deklaruar në emisionin “Opinon” se është kurizo të sho...
TIRANË- Kryeministri Edi Rama ka komentuar situatën ekonomike në vend si pasojë e Covid-19, dhe numrit të personave që kanë humbur punën nga pandemia. Në e...
TIRANË- Deputetët e opozitës së re, Lefter Maliqi dhe Myslim Murrizi janë përplasur sot më njeri-tjetrin për Reformën Zgjedhore. I ftuar në Syri Tv, Maliqi...
TIRANË- Kryeministri Edi Rama dhe gazetari Andi Bushati kanë zhvilluar disa herë debat mes tyre dhe e kanë kthyer në personale. Të ftuar në emisionin “Open...
TIRANË- Kryeministri Edi Rama ka folur sërish sot për ndërhyrjen e forcave RENEA në Teatrin Kombëtar. I ftuar në emisionin “Open” në Top Channel, Rama ka t...
TIRANË- I ftuar në “Çim Peka LIVE”, ku po diskutohet mbi dakordësinë Pozitë-Opozitë për reformën zgjedhore dhe votimin e saj në Parlamen...
TIRANË- Kryeministri Edi Rama ka vijuar përplasjen me gazetarin Andi Bushati. Të ftuar në emisionin “Open” në Top Channel, Rama dhe Bushati u përplasën për...
TIRANË- Kryeministri Edi Rama është përplasur sot në emisionin “Open” në Top Channel. Debati nisi kur Bushati i tha se ai nuk i vjedh shqiptarët si Rama, p...