TIRANË- Kreu i Partisë Demokratike, Lulzim Basha, zhvilloi sot një takim me pronarët e bizneseve të vogla në njësinë Nr.9 në kryeqytet. Basha dëgjoi nga afër problemet e tyre dhe vështirësitë që kanë hasur gjatë periudhës pandemisë, ku të gjithë njëzëri pohuan, se ka një rënie drastike të konsumit.
“Disave u dhanë mbështetje, disave jo. Kërkova lekë borxh për të mos hequr njerëzit nga puna”- tha pronarja e një lokali. “Është fshehur leku” – u shpreh një tjetër, duke vënë në dukje pasojat e mungesës së ndihmës nga qeveria. “Xhiro ka rënë shumë, kam patur 4 punëtorë, por 2 i hoqa, me keqardhje.”- tha pronari i një lokali në qendër të Tiranës.
Basha gjatë fjalës së tij, garantoi mbështetjen e PD për bizneset, duke premtuar anulimin e taksave dhe mbështetje për pagat.
“Të gjitha shtetet, edhe Kosova po i vazhdon subvencionet ndaj bzinesit, përndryshe do të zhytet gjithçka. Po u zhytët ju, u zhyt punësimi, u zhyt konsumi, pastaj ekonomia futet në një cikël që nuk e merr dot veten. Do të vazhdojmë të jemi zëri juaj dhe, së shpejti, edhe mbështetja juaj. Duhet patjetër të keni ndihmë nga shteti. Qoftë me anullimin e taksave, qoftë me mbështetjen për pagat. Këtë po bëjnë të gjithë. Ato lekë që kemi, duhet t’i çojmë në mbështetje të biznesit.”- tha Basha.
Qytetarët iu ankuan kreut të PD, se po falimentojnë dhe nuk kanë mundësi të paguajnë as qiratë.
“E kisha të mbyllur dyqanin 2 muaj, por fatira e dritave më erdhi afrofe 50 mijë lekë, pa e hapur asnjë ditë”. – tha një tregtar. Ndërsa në tjetër që kishte pagesën 400 mijë lekë për 3 muaj tha se vetëm qeranë mujore e ka 700 mijë lekë. “Nuk e di, jam e falimetuar. Kam një vit që jap qera kot”- u shpreh e dëshpëruar një zonjë,
Ndër të tjera, kreu i opozitës iu premtoi pronarëve të bizneseve, se taksat do t’u kthehen mbrapsh dhe nuk do t’i marrin oligarkët.
“Mos u dorëzo, së shpejti do ta ndryshojmë. Lekët e taksave që paguani, do t’i merrni mbrapsht ju, jo oligarkët”- tha Basha
Disa pronarë te tjerë biznesesh u shprehen se ka rënë xhiro, ndërsa njëri prej tyre vuri në dukje pengesat e reja në rrugë të vëna nga bashkia.
“Xhiro ka rënë shumë. Punët më keq nuk ka. Zero, zero zero fare. Ta mbajmë dhe ca kohë e ta shikojme. Drejt falimentimit çdo gjë.” – tha pronarja e një dyqani të vogël. “Nuk ka më xhiro. Po ta kisha me qera, e kisha mbyll. Ka 2-3 vjet që është kështu”- i tha Bashës një tregtar materialesh ndërtimi.
Kreu i PD, theksoi më tej se do të heqë trarët e taksave si dhe do t’i heqë biznesit nga qafa, inspektorët.
“Xhiro tek 4 veta shkon dhe këtë ua kanë vënë për të shkuar njerëzit tek qendrat tregtrare, jo tek ju. Taksat në qiell, ndihma zero. Do ta ndryshojmë. Do të heqim edhe trarët e taksave, të çmimeve të larta e të energjissë e të naftës dhe do t‘ia heqim inspektorët nga qafa biznesit”.- theksoi Basha.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Shirat e rrëmbyeshëm të ditës së djeshme në kryeqytet bënë që Lana të dalë nga shtrati dhe të përmbysë disa zona të Tiranës, mes të cilave edhe ...
Tiranë- Kreu i Partisë Demokratike, Lulzim Basha na ka treguar se kjo e dielë për të është një ditë e veçantë. Në rrjetet sociale ai është shprehur se ka...
Tiranë– Kreu i Partisë Demokratike, Lulzim Basha pas mbledhjes me kryesinë e partisë deklaroi se do të paraqesë platformën ekonomike në të gjithë vendin. Ai the...
Shkodër– Presidenti i vendit Ilir Meta ka komentuar fakenews për konterinerët me mbetje, për të cilën akuzohet këshilltari i tij, Ilir Kulla. Nga Shkodra ku zhv...
Shkodër– Presidenti i vendit Ilir Meta ka deklaruar nga Shkodra se marrëveshja për Reformën Zgjedhore është diçka pozitive dhe se duhet të vazhdojë konse...
Tiranë- Deputeti i opozitës së re, Ralf Gjoni e quan anti-kombëtare marrëveshjen për Reformën Zgjedhore. Deputeti thekson se nuk do të votojë këtë reformë, të c...
Tiranë–Partia Demokratike nis fushatën për zgjedhjet e ardhshme parlamentare dhe vendore. Paditen e sotme, kreu i Partisë Demokratike Lulzim Basha zhvilloi një ...
TIRANË- Kreu i Partisë Demokratike ka vijuar me lëvizjen e radhës pas miratimit të Reformës Zgjedhore. Burime për Dosja.al bëjnë me dije se Basha ka thirru...
ZVICËR- Kryemistri Edi Rama, përveç punës së tij si politikan merret edhe me art, ku një pjesë të kohës pikturon dhe bën skulptura. Pak kohë më parë...
TIRANË- Kreu i Partisë Demokratike, Lulzim Basha, ka zhvilluar sot takime me disa tregtarë të vegjël në Tiranë. Në një postim në mediat sociale, Basha shkr...