Aktualitet

Dolën në përfundimin se Teatri duhej shembur, thirren në Prokurori 3 ekspertët e Institutit të Ndërtimit

28 Maj 2020, 12:19 Nga DOSJA
Dolën në përfundimin se Teatri duhej shembur, thirren në

TIRANË– Tre specialistët e Institutit të Ndërtimit janë thirrur nga Prokuroria e Tiranës për t’u marrë në pyetje lidhur me shembjen e godinës së Teatrit Kombëtar.

Në ambientët e Prokurorisë për të dhënë dëshminë e tyre, kanë shkuar Elbarina Kola dhe Olsi Nunaj, të dy specialistë pranë Institutit të Ndërtimit dhe Artur Hasantare përgjegjës. Të tre përpiluan akt ekspertizën duke dalë në përfundimin se godina e Teatrit Kombëtar duhej që të shembej.

Ata u kallëzuan në Prokurori nga Aleanca për Mbrojtjen e Teatrit më 15 maj, vetëm 2 ditë para se godina të shembej në orët e para të mëngjesit. 

Ndërkohë mësohet se të tre specialistët do të paraqiten sërish të hënën, datë 1 qershor në Prokurorinë e  Tiranës pasi ato të tre kanë dalë në përfundimin se godina e Teatrit Kombëtar duhej që të shembej.

Pas shembjes së godinës, Alenaca për Mbrojtjen e Teatrit ka zhvilluar 3 protesta në Tiranë dhe ka vijuar me qytetet e tjera të vendit për të mbledhur firma për nismën e tyre. Ndërkohë edhe kryeministri Edi Rama nuk e ka përjashtuar si mundësi rindërtimin e godinës siç ishte më parë por në një tjetër vendndodhje.

(k.m/dosja.al) 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet artur hasantare elbarina kola olsi nunaj shembet teatri kombetar artur hasantare elbarina kola olsi nunaj shembet teatri kombetar

Sondazh

Poll

MË SHUMË