Aktualitet

E dhimbshme në Itali/ Shqiptari qëllon me armë dhe thikë bashkëshorten brenda makinës, 40-vjeçarja i mbijeton sulmit

25 Maj 2020, 10:10 Nga DOSJA
E dhimbshme në Itali/ Shqiptari qëllon me armë dhe thikë

ITALI– Një 46-vjeçar shiptar ka tentuar të vrasë bashkëshorten e tij barbarisht duke e qëlluar me armë dhe thikë. Ngjarja e rëndë ka ndodhur paraditen e së dielës në Itali në zonën e Malnate të Varese-s.

Mediat vendase kanë shkruar se për fatin e mirë 40-vjeçarja  edhe ajo me origjinë shqiptare, i  ka shpëtuar sulmit të bashkëshortit, e ndërkohë ndodhet në spital.

Ndër të tjera në mediat italiane bëhet me dije se ngjarja ka ndodhur brenda makinës së çiftit shqiptar, identiteti i të cilëve ende nuk është bërë i ditur. Burri 46-vjeçar e qëlloi gruan 40 vjeçe me një armë, si dhe e goditi disa herë me thikë.

Mësohet se 3 qytetarë janë gjendur pranë vend ngjarjes që po lëviznin në zonë, të cilët e kanë ndihmuar gruan pasi ajo kishte filluar të bërtiste dhe të kërkonte ndihmë. Më pas ata bënë të mundur bllokimin e 46-vjeçarit deri në momentin që në vendngjarje shkuan autoritetet, të cilat bënë të mundur arrestimin e tyre. Shkak për këtë tentativë vrasje dyshohet të jetë bërë xhelozia në çift.

Pasi 40-vjeçarja u transportua menjëherë në spital arriti të mbijetonte e tashmë  ndodhet jashtë rrezikut për jetën. Ajo ka marrë një plumb në nofull, por mjekët kanë thënë se e shtëna nuk i ka prekur asnjë organ tjetër. Gruaja shqiptare ka plagë në krahë dhe këmbë për shkak të goditjeve me thikë.

46-vjeçari shqiptar akuzohet për tentativë vrasje. Bashkëshortja e tij punonte si ndihmës sanitare, ndërsa ai ishte një punëtor me precedentë të tjerë penalë. Çifti shqiptar ka dy fëmijë të vegjël.

Burimi: Ilgiornale

A.C/Dosja.al 

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet shqiptari ne itali shqiptari ne itali

Sondazh

Poll