Art&Argëtim

TAKIMI I FUNDIT/ Miku i Maks Velos shpreh dhimbjen për humbjen e arktitektit, Thomo: Edhe ata që s’e donin, e respektonin, n

7 Maj 2020, 16:40 Nga DOSJA
TAKIMI I FUNDIT/ Miku i Maks Velos shpreh dhimbjen për humbjen e

TIRANË– Një nga miqtë e arkitektit Maks Velo, Pirro Thomo e ka përshkruar vdekjen e tij si një humbje të madhe.

Në një lidhje telefonike në “Report TV”, Thomo, i cili është gjithashtu arkitekt, shprehet se Velo ishte një artist shumë dimensional, i drejtpërdrejtë dhe respektohej edhe nga ata që s’e donin.

“Së pari edhe ata që nuk e deshën të paktën e respektonin sepse ishte një artist shumë dimensional, ishte arkitekt, piktor. Si shkrimtar ishte i drejtpërdrejt, të gjithë jetën dhe vuajtjet, ishin shumë bindesë. Kishte një karakter të fortë, dallohej dhe idealet e tij mund të sakrifikohej, dënohej, por i mbante deri në fund. Për mendimet dhe idealet e tij dërgohet me një burgim shumëvjeçar. Nuk u ligështua, por doli më i fortë, po ai Maks që ka qenë mbeti. Kjo ishte karakteristikë kryesore, i çiltër, i zoti dhe i direktë, pa kompromis. Me mbylljen e detyrueshme, para karantinës e kam takuar. Gjithmonë mëngjeseve bënte një xhiro nga kodrat e liqenit dhe takoheshim. Ai ishte nga pionerët e mbrojtjes së monumenteve, ka ndjekur korifejtë. Ishte mbrojtës i vlerave të popullit tonë. Ishte një njeri i madh, i paepur i vlerave kulturore. Maksi kishte shumë dëshira, dhe i transmetonte, por në mbrojtje të vlerave të trashëgimisë sonë kulturore,“- tha Thomo ndër të tjera.

Arkitekti dhe piktori i njohur Maks Velo ka ndërruar jetë sot në moshën 84-vjeçare. Velo prej ditësh ishte shtruar në QSUT, pasi vuante nga një sëmundje e rëndë. Arkitekti i njohur ka qenë shumë pranë publikut deri para pak muajve, pasi daljet e tij në media kanë qenë të shpeshta. Maks Velo, përveç se një arkitekt, piktor, prozator e publicist ka qenë dhe një qytetar i angazhuar.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

kulture kulture maks velo pirro thomo vdes maks velo maks velo pirro thomo vdes maks velo

Sondazh

Poll