TIRANË– Kryetari i Partisë Demokratike Lulzim Basha mori pjesë sot në Samitin e Liderëve të Bashkimit Europian dhe Ballkanit Perëndimor të Partisë Popullore Europiane (PPE), në kuadër të Samitit të Zagrebit. Kreu i opozitës falenderoi liderët e Bashkimit Europian për mbështetjen e dhënë për të përballuar epideminë COVID-19, dhe e cilësoi atë si një ndihmë të çmuar në kushtet e krizës së thellë që po kalon vendi.
Kryetari i PD, kërkoi vazhdimin e mbështetjes së Bashkimit Europian, pasi sipas tij kriza ekonomike që ka përfshirë vendin është thelluar me numrin e lartë të vendeve të punës të humbura gjatë këtyre 2 muajve. Gjatë Samitit, kreu i opozitës shprehu mirënjohjen për konfirmimin e vullnetit nga ana e BE-së për të hapur negociatat me Shqipërinë, ndërkohë që tani gjithçka varet nga plotësimi i 15 kushteve të vendosura nga BE. Plotësimi dhe zbatimi i këtyre kushteve është rruga drejt hapjes së negociatave dhe zgjidhjes së krizës së thellë politike në vend.
Zoti Basha shprehu domosdoshmërinë e reagimit të shpejtë për të ndalur zhbërjen e standardeve demokratike dhe të proceseve zgjedhore, goditjen ndaj drejtësisë së pavarur dhe lirisë së mediave, siç është faktuar edhe nga raporti i fundit i Freedom House. Kërcënim real për mirëqenien dhe demokracinë përbën edhe rritja e nivelit të korrupsionit, siç konstatohet nga Transparency International. Rezultatet në luftën kundër korrupsionit dhe krimit të organizuar janë thelbësore jo vetëm për transformimin politik dhe social-ekonomik të vendit dhe rajonit, por dhe për stabilitetin dhe sigurinë rajonale, si dhe janë në interesin më të mirë të popujve tanë, theksoi Basha.
Kryedemokrati Basha nënvizoi se Partia Demokratike është plotësisht e përkushtuar për ta bërë realitet integrimin europian të Shqipërisë, ashtu si për anëtarësimin në NATO dhe lëvizjen pa viza. “Në këtë drejtim, përmbushja e 15 kushteve është çelësi i suksesit për të ecur përpara.”- u shpreh zoti Basha.
Gjatë Samitit drejtuesit më të lartë europianë shprehën vlerësimin e tyre për vendosmërinë dhe lidershipin e treguar nga Partia Demokratike dhe Opozita në mbështetje të aspiratës së qytetarëve shqiptarë për arritjen e standarteve europiane. PPE është grupimi më i madh dhe më me ndikim në Bashkimin Europian. Aktualisht PPE përfshin 83 parti dhe partnerë nga 43 vende. Nga PPE vjen Presidenti i Komisionit Europian dhe 10 anëtarë të Komisionit Europian. PPE ka grupin më të madh në Parlamentin Europian dhe 11 drejtues shtetesh dhe qeverish të BE, mes të cilëve dhe kancelarja Merkel.
Samiti i Bashkimi Europian dhe Balkanit Perëndimor, i cili ishte parashikuar që të mbahej në Zagreb më 6 maj, u mbajt në formën e një videokonference për shkak të pandemisë COVID-19. Në një intervistë për DW, komisioneri Oliver Varhelyi tha se BE është gati për integrimin e Shqipërisë dhe Maqedonisë së Veriut, por nuk mund të flitet për një datë për shkak të pandemisë së koronavirusit. Takimin e kryeson Presidenti i Këshillit Evropian, Charles Michel. Ai përfaqëson BE-në së bashku me Presidenten e Komisionit Evropian, Ursula von der Leyen.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryeministri Edi Rama ka reaguar lidhur me raportin e “Freedom House” lidhur me demokracinë në vendin tonë. Në reagimin e tij, Rama shkruan se Shqi...
Pas propozimit për pagat e administratës e pensionet suplementare dhe abstenimit në projektligjin për shtesën në kontratën për koncesionin e portit të Porto Rom...
TIRANË– Ambasadori i BE-së në Shqipëri, Luigi Soreca ka reaguar lidhur me mbledhjen e Komisionit të Reformës Zgjedhore ditën e sotme. Me anë të një statusi...
Tiranë- Presidenti i vendit Ilir Meta ka bërë një tjetër reagim në Facebook, për raportin e “Freedom House”. Ai është shprehur se ky raport meriton një reflekti...
TIRANË– Nënkryetari i LSI-së, Petrit Vasili, njëherësh anëtar i Komisionit të Reformës Zgjedhore ka reaguar lidhur me deklaratën e bashkëkryetarit Damian G...
TIRANE- Kryeministri Edi Rama ka njoftuar sot të gjithë komunitetin e besimtarëve në Shqipëri se më 18 maj do të nisin masat lehtësuese për klerin. Njoftimi u d...
TIRANË-Deputeti Lefter Maliqi i ka dedikuar një poezi kryeministrit Edi Rama, ku edhe nuk i ka kursyer fyerjet. Në poezinë e tij, Maliqi përmend të rekotor...
TIRANE- Në dalje të mbledhjes së Komisionit për Reformën Zgjedhore, bashkë-kryetarja Rudina Hajdari siguroi se procesi do të vijojë të shkojë përpara. Mbledhja ...
TIRANË– Bashkëkryetari Damian Gjiknuri ka dhënë një prononcim për mediat, pas përfundimit të mbledhjes së Reformës Zgjedhore. Në fjalën e tij, Gjiknuri u s...
