Aktualitet

Plagosi me kallashnikov dajë e nip në Kurbin, vetëdorëzohet në polici autori (EMRI)

6 Maj 2020, 06:30 Nga DOSJA
Plagosi me kallashnikov dajë e nip në Kurbin, vetëdorëzohet

Kurbin- Detaje të reja kanë dalë nga ngjarja e rëndë  që ndodhi mbërmjen e djeshme tek Ura e Drojes, në Mamurras, ku u plagosën me armë zjarri Agron Mema, 50 vjeç dhe nipi i tij Klevis Leka, rreth 30 vjeç. Burime për Dosja.al bëjnë me dije se autori i ngjarjes është 26-vjeçari Aurel Shurbi, i cili është vetëdorëzuar në polici. Të njëjtat burime bëjnë me dije se shkak i ngjarjes së rëndë ka qenë një konflikt i tre ditëve më parë, e për pasojë autori është hakmarrë. Po kështu rreth dy kilometra larg vendit të ngjarjes, është gjetur dhe sekuestruar edhe arma e zjarrit kallashnikov.  Mësohet se të plagosurit janë jashtë rrezikut për jetën, pasi kanë marrë plagë në këmbë.

Njoftimi i Policisë:

Reagimi në kohë i Policisë parandaloi përshkallëzimin e mëtejshëm të një konflikti me armë, ku për pasojë u plagosën dy shtetas (dajë e nip). Policia zbardhi në kohë rekord ngjarjen dhe shoqëroi personat e përfshirë në konflikt, si dhe shpalli në kërkim autorin e dyshuar të plagosjes së dyfishtë, i cili u largua menjëherë pas ngjarjes. Si rezultat i kontrolleve të shumta, rrethimit të zonës dhe pamundësisë për t’u larguar, autori i dyshuar i ngjarjes i është vetëdorëzuar shërbimeve të Policisë. Policia, rreth dy kilometra larg vendit të ngjarjes, ka gjetur dhe sekuestruar edhe armën e zjarrit kallashnikov me të cilën autori plagosi dy shtetasit (dajë e nip).

Rreth orës 20:10, në Mamurras, Kurbin, gjatë një konflikti për motive të dobëta, janë plagosur me armë zjarri shtetasi A. M., 53 vjeç dhe nipi i tij shtetasi K. L, 29 vjeç, të cilët ndodhen për ndihmë mjekësore në spitalin e Traumës, Tiranë, jashtë rrezikut për jetën. Falë reagimit të menjëhershëm të shërbimeve të Komisariatit të Policisë Kurbin u bë i mundur parandalimi i përshkallëzimit të konfliktit dhe shoqërimi në Komisariatin e Kurbinit, i personave të përfshirë në konflikt, konkretisht shtetasi Gj. Sh, djali i tij shtetasin E. Sh. dhe shtetasin P. L. (daja i E. Sh) , si dhe u shpall në kërkim shtetasi A. Sh., djali tjetër i shtetasit Gj. Sh. Shtetasi A. Sh., 26 vjeç, autor i dyshuar i ngjarjes, në pamundësi për t’u larguar është vetëdorëzuar të shërbimet e Policisë disa kilometra larg vendit të ngjarjes. Në përfundim të veprimeve u bë arrestimi i tij në flagrancë, për veprat penale “Vrasje në rrethana të tjera cilësuese, kundër dy ose më shumë personave, e mbetur në tentativë” dhe “Armëmbajtja pa leje”. Materialet i kaluan Prokurorisë, për veprime të mëtejshme.

Ditën e djeshme ndodhi dhe një tjetër ngjarje e rëndë. Tre persona mbetën të palgosur pas një sherri për motive pronësie në Ksamil. Ngjarja e rëndë ndodhi mbrëmjen e djeshme në zonën bregdetare, ku anëtarë të familjeve Pollo e Ziflaj morrën thika e sende të forta dhe u përleshën me njëri-tjetrin.

J.V/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet arurel shubri klevis leka plagosen daje enip ne mamurras plagosjet në kurbin arurel shubri klevis leka plagosen daje enip ne mamurras plagosjet në kurbin

Sondazh

Poll

MË SHUMË