SHBA– Të gjithë shtetasit shqiptarë të cilët kanë mbetur në Amerikë për shkak të mbylljes së kufijve nga Covidd19 do të kenë edhe një mundësi për t’u riatdhesuar.
Përmes Ambasadës shqiptare në SHBA është mësuar se një tjetër fluturim do të bëhet në datën 6 maj nga Nju Jorku në Londër dhe më pas në Shqipëri.
“Nisja me datën 6 maj pasdreke nga Aeroporti JFK, nëpërmjet kompanisë British Airëays (fluturim komercial) që mbërrin në Londër në Aeroportin Heathroë më datë 7 maj.”- shkruhet në njoftim.
Ndër të tjera Ambasada ka sqaruar më shumë edhe orientimin e qytetarëve shqiptarë për mënyrën si do të bëhet riatdhesimi.
“Shqiptarët që kanë udhëtuar drejt SHBA-së me viza turistike do të pajisen me një vizë (falas) 24-orëshe tranziti në aeroport. Qytetarët që janë të pajisur me green card ose pasaportë amerikane (por që janë shtetas shqiptarë), dalin nga aeroporti me atë dokument. Sapo të dalin nga kontrolli i dokumenteve, pasagjerët duhet të marrin bagazhet dhe të drejtohen menjëherë drejt autobuzave që do mundësojnë transportin nga Aeroporti Heathroë drejt Aeroporti Luton nga ku do jete fluturimi tjetër. Fluturimi tjetër drejt Tiranës, mundësohet përmes Air Albania (fluturim riatdhesimi) që niset nga Londra/Aeroporti Luton dhe mbërrin në Tiranë po më datën 7 maj në darkë. Duke marrë shkas nga kërkesat e larta për fluturime drejt Shqipërisë dhe duke kuptuar që mundësitë për udhëtime drejt Shqipërisë janë gjithnjë e më të pakta, si edhe për ta bërë të mundur procesin e riatdhesimit që ka marrë përsipër Qeveria Shqiptare, Ministria e Energjisë dhe Infrastrukturës dhe Ambasada e Republikës së Shqipërisë në Uashington DC, kanë bërë të mundur ofrimin e këtij udhëtimi përmes një operatori dhe në një paketë të vetme. Kjo paketë do të përfshijë udhëtimin nga Nju Jorku drejt Londrës dhe pastaj drejt Shqipërisë, si dhe transportin me autobus ndërmjet dy aeroporteve gjatë tranzitit në Londër. Në momentin e rezervimit të biletës, do të deklaroni dhe qytetin ku jetoni në Shqipëri, për udhëzime të mëtejshme që lidhen me procesin e karantinimit (brenda shtëpive tuaja ose sipas udhëzimit përkatës)”.thuhet në njoftim.
Gjithashtu për të gjithë qytetarët që do të kthehen në Shqipëri me këtë fluturim, Ambasada ka bërë publike këto kontakte ku qytetarët mund të marrin informacion. Email : [email protected]; Mob : ( 551 ) 265 6279; Mob : ( 914 ) 400-9602.
Ndër të tjera thuhet se numri i të vendeve në fluturim është i limituar, por mësohet se përparësi kanë studentët dhe të moshuarit që nuk kanë arritur të marrin kujdesin shëndetësor dhe ilaçet gjatë qëndrimit në SHBA.
A.C/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Në Ditën Botërore të Lirisë së Shtypit, Ambasada e SHBA në Tiranë e ka kujtuar atë duke e vënë theksin në lirinë dhe paanshmërinë e mediave...
POGRADEC– Tre persona, mes tyre edhe pronari i një lokali, janë arrestuar nga Policia e Shtetit, pasi kanë ushtruar dhunë ndaj një efektivi policie.Edhe p...
TIRANË– Policia e Shtetit ka bërë të ditur bilancin e masave të ndërmarra ndaj qytetarëve që kanë shkelur rregullat e karantinimit. Mësohet se që nga...
TIRANË– 6 raste të reja me koronavirus janë shënuar në vend. Mësohet se 6 raste pozitive i përkasin Krujës dhe Kurbinit, ndërsa sot Tirana ka shënuar vetëm...
TIRANË– Ministrja e Arsimit, Besa Shahini u ka kthyer përgjigje disa prej pyetjeve që maturantët kan adresuar tek ajo. Në fjalën e saj, Shahini u shpreh se...
TIRANË– Të dhënat në nivel global dëshmojnë se vendet më pak të zhvilluara kanë qenë më imune ndaj kësaj pandemie. Mjeku epidemiolog, Ilir Alimehmeti...
ELBASAN– Policia e Shtetit ka arrestuar Bledar Muçën, i cili akuzohet se ka përplasur me makinë, efektivin e policisë së burgjeve, Hekuran Pishës teksa k...
FIER– Gjykata e Fierit ka dhënë masën e sigurisë “arrest me burg”për nënë e bir nga Fieri, Qamile dhe Anxhelo Kapaj, të cilët brenda banesës kishin një laborat...
TIRANË– Policia e Shtetit ka arrestuar një 36-vjeçar me iniciale L.M., , të cilit i kishte gjetur në shtëpi një armë zjarri tip kallashnikov d...
