TIRANË- Poeti Luan Rama ka shprehur ngushëllimet e tij për ndarjen nga jeta të aktorit të njohur Rikard Ljarja. Në një reagim, Rama shkruan se arti që ka lënë pas Ljarja nuk do vdes kurrë dhe ai do kujtohet gjithmonë. “Lajm i rëndë për të gjithë ne, miqtë e tu të Kinostudios, lajm i cili na pështjell me një trisht te jashtëzakonshëm duke na risjellë gjithë ato vite krijimi kur kinemaja, filmi e aktrimi u kthye në sinonim i jetës tënde”, shkruan poeti.
REAGIMI I PLOTË
Rikard i dashur! Sapo më njoftuan për ikjen tënde. Lajm i rëndë për të gjithë ne, miqtë e tu të Kinostudios, lajm i cili na pështjell me një trisht te jashtëzakonshëm duke na risjellë gjithë ato vite krijimi kur kinemaja, filmi e aktrimi u kthye në sinonim i jetës tënde. Kështu mbete në sytë e Shqipërisë dhe jo vetëm të saj. Nuk di pse duke menduar për ty menjëherë ndjeva nevojën të dëgjoja një Mozart, një requiem apo himnet më të bukura të muzikës së tij me klavinçelë, violina, violinçelë e piano, një muzikë hyjnore për një mik të shtrenjtë si ti, gjithnjë i qeshur, i thjeshti, i përunjuri, njerëzori dhe mënçuria e artit dhe e kuptimit filozofik të jetës që gjithnjë shihje tek të tjerët veç anën e dritës dhe të së mirës. Dëgjoja Mozart që ti e preferoje nga klasikët e tjerë.
E dëgjoja për prehjen dhe ikjen tënde por çuditërisht pikasa se ti nuk shkoje, ti vije, po ai i kaq shumë dekadave, vije që larg që nga rrugët e Shkodrës me pasionin për artin dhe shqetësimin tënd në sheshet e xhirimit, me të gjitha rolet ku u ngjize dhe krijove. Ishin ata role që të sillnin tani, që të kthenin nga ajo rrugë morti, nën tinguj mozartianë, ku ai korr i fuqishëm të ngrinte lart duke mbajtur kështu krijuesin e shquar, dashnorin e kinemasë, sepse ti gjithë jetën tënde artistike zgjoheshe dhe flije me filmin, madje shpesh ishe i pagjumë, sepse shpirti yt kërkonte gjithnjë figurën e përsosur, simbolet domethënëse të jetës, ekzistencës njerëzore, artin e vërtetë. Rikard i dashur, është arti yt që nuk vdes dhe ky requiem që dëgjoj tani, jam i bindur se e dëgjon edhe ti. Ti do të vish gjithnjë për këndej, miku ynë bujar, artist…
Aktori dhe regjisori i njohur Rikard Ljarja u nda nga jeta në moshën 77-vjeçare. Mësohet se ai vuante prej disa kohësh nga një sëmundje e rëndë, ndërsa për të është planifikuar një ceremoni e vogël lamtumire për shkak të situatës nga koronavirusi.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Poeti dhe autori i shumë këngëve, Agim Doçi, nuk i ka mbajtur dot lotët sot, teksa fliste për ndarjen nga jeta të mikut të tij Rikard Ljarja...
TIRANË- Po përcillet për në banesën e fundit regjisori dhe aktori i madh, Rikard Ljarja. Ai do të prehet në qytetin e tij të lindjes, Shkodër, pasi ky isht...
MBRETËRI E BASHKUAR- Kirie Redfield ka bërë deklaratën tronditëse se puna e saj si eskortë është thelbësore po aq sa mjekët dhe infermierët pasi ajo vazhdo...
TIRANË– Ish-missi nga Lezha dhe modelja, Serena Sula, duket se i ka vënë vetes objektiv ‘të çmendë’ reperin me origjinë nga Kosova, Getinjo. Ajo ka ...
TIRANË- Në shenjë homazhi për ndarjen e parakohe nga jeta të aktorit dhe regjisorit të madh të kinematografisë shqiptare, Rikard Ljarja, i cili u ndërroi j...
TIRANË- Kreu i Partisë Demokratike, Lulzim Basha, ka reaguar pas ndarjes nga jeta të aktorit Rikard Ljarja. Teksa i ka shprehur ngushëllimet familjes, Bash...
TIRANË– Aktori i humorit, Bes Kallaku e ka treguar shpesh marrëdhënien e tij të veçantë me gjyshen. Tashmë ajo njihet nga të gjithë si ‘Ija e Besit”...
TIRANË- Aktorit Petrit Malaj që ka luajtur në disa filma me Rirard Ljarjan, ka reaguar për ndarjen nga jeta të mikut të tij. Malaj në një reagim në mediat ...
SHBA– Ish-missi Trejsi Sejdini prej kohësh ndodhet përtej oqeanit, në Shtetet e Bashkuara të Amerikës, ku po zhvillon karrierën e saj në moddeling. Bukuroshja ë...