Bota

9 Prill 2020, 12:06 Nga DOSJA

MBRETËRI E BASHKUAR– Duka dhe Dukesha e Kembrixhit kanë përçuar gëzim në prag të Pashkëve, tëk për nxënësit dhe mësuesit në një shkollë fillore në Mbretërinë e Bashkuar, pasi realizuan një lidhje direkte, ndërsa vendi është në izolim nga pandemia e koronavirusit.

Princi William dhe Katerina biseduan me mësuesit dhe nxënësit në “Akademinë Fillore Casterton” në Lancashire, e cila mbetet e hapur për fëmijët e punëtorëve kryesorë, përfshirë stafin e Shërbimit Shëndetësor Kombëtar.

Teachers across the UK are dedicating their time to keeping schools open for the children of key workers and vulnerable children.

The Duke and Duchess of Cambridge called teachers and school staff at Casterton Primary Academy to thank them for their hard work and dedication. pic.twitter.com/2h9N66O4EP

— Kensington Palace (@KensingtonRoyal) April 8, 2020

Çifti mbretëror ndau videon në llogarinë e tyre në Twitter, teksa u shfaqën duke biseduar me fëmijët, të cilët i treguan atyre pikturat që kishin bërë dhe krijimtaritë për festën e Pashkëve. Ata gjithashtu biseduan me mësuesit dhe stafin e shkollës.

Duka dhe Dukesha u prezantuan me fëmijët si Katerina dhe William, ku nuk nguruan të shkëmbenin dhe batuta me nxënësit e shkollës fillore. Madje Princi William me shaka i tha fëmijëve se ai dhe Kate po përhapnin koronavirusin, për të çtensionuar situatën e frikshme të krijuar nga pandemia vdekjeprurëse.

Në një përpjekje për të frenuar përhapjen e koronavirusit, shkollat ​​në Mbretërinë e Bashkuar u mbyllën në 20 mars për të gjithë nxënësit, përveç atyre të punëtorëve kryesorë, përfshirë mjekët, infermierët dhe stafin e supermarketeve. Mbretëria e Bashkuar ka qenë një nga vendet më të goditura nga pandemia e koronavirusit, me 7,097 vdekje të regjistruara dhe 60,733 raste, sipas shifrave të Universitetit Johns Hopkins.

 

Burimi: CNN

R.L/Dosja.al

1 vit nga zgjedhjet e 25 prillit si e shikoni gjendjen e vendit:

View Results

bota bota britani duka dhe dukesha e kembrixhit princi william britani duka dhe dukesha e kembrixhit princi william

Sondazh

Poll

MË SHUMË