Sport

Tifozat e Barcelonës duan të klonojnë Messin, specialisti i gjenetikës: Mund të bëhet

20 Mars 2019, 11:17 Nga DOSJA

Tifozat e Barcelonës duan të klonojnë Messin, specialisti i

Superlativat për Messin që nga shumë konsiderohet më i miri i historisë nuk kanë mbaruar. Është e vështirë të gjesh një fjalë “të madhe” që nuk është përdorur për të përshkruar se çfarë ka bërë ylli argjentinas me Barcelonën.

Ekziston frika se bota e futbollit nuk do të shohë më një Messi të dytë kur 32 vjeçari të mbyllë karrierën. Atëherë cila është zgjidhja për të mos e “humbur” Messin? Edhe pse mund të duket sureale, na e tregon me një pyetje “Cadena Ser”:

A mund të klonohet Messi?”

Për ta zgjidhur këtë çështje, kjo media spanjolle ka kontaktuar Arcadi Navarron, specialist i gjenetikës dhe përgjegjës i Arkivit Europian të Gjenetikës, i cili jep këtë përgjigje:

Po, Messi mund të klonohet me teknikat e kohës. Do të ishte e mundur të përftonim një qenie njerëzore shumë të ngjashme me Messin, një binjak. Do të ishte sikur kanë lindur në të njëjtën kohë, por njëri prej tyre ka mbetur i ngrirë për 20-30 vjet.

A do të trashëgonte Messi i Ri talentin gjenetik të sulmuesit aktual “blaugrana”?

Ky person mund të ketë të njëjtin potencial të Messit, cilësitë e tij dhe përbërësit gjenetike, por duhet theksuar se Messi është Messi jo vetëm për shkak të përbërësve gjenetikë, por edhe për mënyrën e tij të jetesës, edukimit të tij dhe faktorët e jashtëm që kanë influencuar te formimi i tij.

B.N/dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

sport sport barcelona klonim la liga lionel messi barcelona klonim la liga lionel messi