TIRANË- Policia e Shtetit ka publikuar sot masat e reja se kur do lejohet qarkullimi i mjeteve brenda dhe jashtë qyteteve. Në një njoftim për mediat, Policia bën me dije se o lejohet qarkullimi i mjeteve rrugore private të shtetasve me numër të kufizuar njerëzish 4+1 në të gjithë vendin për tu kthyer në vendbanimet e tyre, nga ora 00.00 deri në orën 08.00 të datës 16.03.2020, duke respektuar kufizimet higjeno-sanitare të situatës së krijuar.
Por uniformablu theksojnë se nuk do lejohet qarkullimi i mjeteve të shërbimit publik, përjashtuar taksive 4+1 brenda orarit 06.00 deri në orën 08.00 në mëngjes dhe 16.00 deri 17.00. Po ashtu brenda këtij orari do lejohet qarkullimi i mjeteve furgonçina, furgonë, minibuisë, autobusë që do bëjnë transportin e personelit dhe punonjësve të bizneseve prodhuese/industriale/ bujqësore, duke marrë masa individuale mbrojtëse sipas kërkesave të dërguara dhe miratuara nga Policia e Shtetit, si dhe qarkullimi i automjeteve për punonjësit e Policisë së Burgjeve, SHPSF-ve, si dhe personeli shëndetësor me mjetet e tyre private për vajtje ardhje në pune, në oraret e ndërrimit të turneve, kundrejt dokumentit të institucionit ku punojnë.
NJOFTIMI I PLOTË
Në kuadër të masave kufizuese për parandalimin e përhapjes e coronaviruesit ”Covid 2019”, Policia e Shtetit sqaron opinionin publik se: Do lejohet qarkullimi i mjeteve rrugore private të shtetasve me numër të kufizuar njerëzish 4+1 në të gjithë vendin për tu kthyer në vendbanimet e tyre, nga ora 00.00 deri në orën 08.00 të datës 16.03.2020, duke respektuar kufizimet higjeno-sanitare të situatës së krijuar. Nuk do lejohet qarkullimi i mjeteve të shërbimit publik, përjashtuar shërbimin taksi 4+1, brenda këtij orari. Do të lejohet qarkullimi në oraret 06.00 deri në orën 08.00 në mëngjes dhe 16.00 deri 17.00 mbasdite i mjeteve (furgonçina, furgonë, minibuisë, autobusë) që do bëjnë transportin e personelit dhe punonjësve të bizneseve prodhuese/industriale/ bujqësore, duke marrë masa individuale mbrojtëse sipas kërkesave të dërguara dhe miratuara nga Policia e Shtetit, si dhe qarkullimi i automjeteve për punonjësit e Policisë së Burgjeve, SHPSF-ve, si dhe personeli shëndetësor me mjetet e tyre private për vajtje ardhje në pune, në oraret e ndërrimit të turneve, kundrejt dokumentit të institucionit ku punojnë.
Do të lejohet lëvizja e mjeteve rrugore që kryejnë transporte të mallrave brenda dhe jashtë vendit për llogari të individëve, firmave dhe kompanive vendas dhe të huaja, furgonçina, furgonë, kamionë të cilët merren më furnizimin e me produkte ushqimore dhe blegtorale dhe që ofrojnë shërbime për qytetarët, mjetet që transportojnë bazë ushqimore për blegtorinë. Jashtë këtij kufizimi, do të lejohet të qarkullojnë, mjetet rrugore që kryejnë shërbime të emergjencës, ambulanca, zjarrfikëse dhe mjetet e Policisë së Shtetit e ato ushtarake, punonjësit e medies me makina të loguara ose jo por të paisura me dokument identifikimi. Autorizimet e mëparshme të lëshuar nga Policia e Shtetit me afat deri në datën 15 Mars, ju zgjatet afati
Me qëllim kthimin e përgjigjeve në kohë të kërkesave të qytetareve, të cilët kanë nevojë të komunikojnë për probleme të ndyshme ne nr 112/129 si dhe në numrat e dedikuar 0694122223 dhe 0694122224, sqarojmë pronarët dhe administratorët e subjekte që merren me shpërndaje të produkteve ushqimore, apo që ofrojnë shërbime të cilat përdorën Furgoncina, forgonë dhe kamionë se nuk kanë nevojë për autorizim për levizje,pasi ato jana të përfshira në kategorine e mjeteve që lejohen të qarkullojnë pa autorizim. Theksojmë se në këto automjete do qarkullojnë vetëm drejtuesit e këtyre automjeteve dhe jo familjarë apo pasagjërë të tjerë. Policia e Shtetit gjen rastin për të apeluar edhe njëherë për të gjithë drejtuesit e automjeteve që të respektojnë me korrektësi kufizimet e vendosura pasi shkelja e tyre do ndëshkohet me masa të rrepta administrative të reja të vendosura nga Qeveria për shkak të situatës, me qëllim parandalimin e përhapjes së COVID 19.
Bilanci i COVID-19 në Shqipëri ka shkuar në 42 të prekur. Shkon në 3 numri i mjekëve të infektuar, pasi sot u njoftua nga ministria se janë prekur edhe dy mjekë të spitalit “Shefqet Ndroqi”. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. Rama iu bëri thirrje sot spitaleve private për t’ju bashkuar shërbimit shëndetësor publik. Ai paralajmëroi se do të gjobiten me 5 mln lekë spitalet që mund të refuzojnë këtë thirrje dhe bizneset që rritin çmimet. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Drejtori i Policisë së Shtetit ka publikuar telegramin e plotë me oraret e lëvizjeve të kufizuara për mjetet dhe personat që do të lejohen të qarku...
TIRANË– Ish-deputetja e Partisë Demokratike Dhurata Çupi ka denoncuar historinë e një qytetari që nuk rri dot i karantinuar pasi i duhet të mbledhë ...
Tiranë- Detaje të reja ka dalë nga infektimi me koronavirus i dy mjekëve tek spitalit “Shefqet Ndroqi” në Tiranë. Burime për Dosja.al bëjnë me dije se një i së...
Tiranë- Mjekut të urgjencës, Ilir Allkja i cili pak ditë më parë nxiti reagime pasi deklaroi se mjekët nuk janë të pajisur me mjete mbrojtëse dhe se janë në rre...
Greqi- Nga e hëna, në supermerkatat do të ketë kontrolle për hyrjet e njerëzve, pas fenomeneve të konfuzionit që u vërejtën ditët e fundit, siç bëri të d...
TIRANË- Policia e Shtetit ka bërë me dije se sot prej orës 13:00 asnjë pikë kalimi me Greqinë nuk do jetë funksionale për kalimin e qytetarëve shqiptarë dr...
Shqipëri- Situata pas përhapjes së koronavirusit në vendin tonë është bërë mjaft problemtaike, ndërkohë që shumë aktivitete,lëvizje janë pezulluar duke u rekoma...
TIRANË- Inspektorati i Punës ditët e fundit po vijon kontrollet në subkete të ndryshme tregtare për sigurinë në Punë. Sipas një njoftimi të bërë sot, Inpek...
ELBASAN– Koronavirusi ka izoluar vendin por kjo nuk do të thotë që njerëzit nuk festojnë. Në Elbasan, një familje rome ka thyer “shtetrrethimin” pasi ësht...
ITALI– Gazetari shqiptar i “Le Iene”, Taulant Kopliku ka shkuar në Facebook për ditën e tij të tetë të vetë-karantinimit në shtëpi. Kopliku tregon se mbrë...