Aktualitet

6 Mars 2020, 09:04 Nga DOSJA

TIRANË– Policia Federale gjermane ka dhuruar 7 automjete për Policinë e Shtetit, të cilat do të përdoren nga efektivët e ndërhyrjes së shpejtë.

Të pranishëm në ceremoninë e dhurimit ishin ministri i Brendshëm, Sandër Lleshaj, ambasadori i Gjermanisë në Shqipëri Peter Zingraf dhe kryepolici Ardi Veliu.

Gjatë ceremonisë, e cila u zhvillua në ambientet e Drejtorisë së Përgjithshme të Policisë së Shtetit, kryepolici Veliu u shpreh se të gjithë mjetet që ka dhuruar Gjermania i përkasin markës Mercedes Benz Sprinter, të cilat kapin shifrën e 327 mijë eurove.

“Rinovimi i herëpashershëm i flotës së Policisë, me automjete të reja dhe cilësore, përmirëson akoma më tej performancën e strukturave policore dhe njëkohësisht kushtet e punës dhe shërbimit të punonjësve të Policisë e në këtë rast atyre të FNSH-së, të cilët gjej rastin t’i uroj dhe përgëzoj për punën dhe përkushtimin e tyre në detyrat e ngarkuara,”- tha ndër të tjera në fjalën e tij Veliu.

Pas tij fjalën e mori edhe ambasadori gjerman Zingraf, i cili premtoi se pas mjeteve të dhuruara nga Gjermania do të vinin edhe ekspertë, të cilët do të ofronin eksperiencën e tyre për të trajnuar policët shqiptarë.

Në fund, një fjalë për të pranishmit mbajti edhe ministri Lleshaj, i cili u shpreh se edhe në të ardhmen do të ndodhin bashkëpunime të tilla, në mënyrë që e gjithë Policia e Shtetit të ngrihet në nivelin e Mercedesit.  

“Ne vendosëm edhe një model sesi do të jetë FNSH-ja e të ardhmes. Kam diskutuar edhe me kolegët gjermanë, dhe jam informuar se do të vijojë përpjekja për ta thelluar këtë bashkëpunim. Nga ne kërkohet (dhe është mirë) që Policia të ngjitet në nivelin e Mercedesit. Duhet të ngjitemi ku është edhe niveli më i lartë. Kjo paketë motivimi do të vijojë edhe më tej. Jemi përfshirë në një angazhim të madh për të thelluar luftën kundër krimit. Dje u miratuan në Kuvend, dy ligje të rëndësishme. Ato synojnë që të krijojnë mundësi të reja kundër krimit të organizuar. Do ta thellojmë luftën kundër krimit për të përmbushur pritshmëritë e publikut. Dua ta falenderoj edhe njëherë ambasadorin gjerman dhe gjithë ekipin e sigurisë në Shqipëri. Njerëz të çmuar të ardhur në kohën e duhur, dhe na bëjnë të shohim para me optimizëm,”-tha Lleshaj.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet ardi veliu gjermania i dhuron makina policise peter zingraf policia e shtetit sander lleshaj ardi veliu gjermania i dhuron makina policise peter zingraf policia e shtetit sander lleshaj

Sondazh

Poll

Aktualitet 6 Mars 2020, 09:00

Tiranë- Artur Zheji ka deklaruar se kryeministri Edi Rama nuk lejon asnjë person nga mazhoranca që të jetë i pranishëm në emisionin e tij “360 gradë” në RTV Ora...

MË SHUMË