Sport

Idriz Batha tregon “sekretet” e derbit: Tirana humbiste prej presionit, një natë para fola me Karabecin dhe Likën se unë

27 Shkurt 2020, 16:10 Nga DOSJA

Idriz Batha tregon “sekretet” e derbit: Tirana humbiste prej

TIRANË- Idriz Batha është lojtari që ka provuar të luajë me dy skuadrat e kryeqytetit, mesfushori ka luajtur me Partizanin, ndërsa tani është në valle për të fituar kampionatin si bardheblu. Në një intervistë të gjatë Batha tregon sekretet e derbit.

Largimi nga Partizani: Ndodh në futboll që largohet një futbollist. Nuk ishte se Partizani nuk donte të më mbante, por nuk gjetëm një marrëveshje. Nuk është hera e parë që një lojtar largohet dhe shkëlqen në një klub tjetër.

Presioni në derbi: Deri para ndeshjes që ne fituam mendoja se te Partizani e përgatisnin më mirë derbin me më shumë qetësi se te Tirana, por pas kësaj kuptova se është vetëm presioni i rezultatit që ndikonte.

Goli i parë në derbi me fanellën e kuqe: Ka qenë në gol i veçantë, pasi penalltinë e fitova unë nga një aksion personal. Ishte goli im i parë në derbi. Për festimet, unë kam dhënë maksimumin në çdo ekip që kam luajtur dhe do vazhdoj ta bëj.

Goli me kokë ndaj Partizanit: Një natë para ndeshjes, me Karabecin me Likën dhe Osmanin, gjatë gjithë kohës iu kam thënë se unë do të jem shqiptari i parë që do shënoj në këtë stadium. Më pëlqen shumë si gol, pasi ishte realizimi i bukur. Aq më tepër që isha dhe pranë tifozëve të Tiranës, ishte kenaqësi të shënoja të tillë gol dhe në atë stadium.

Hoxha, miku rival: Do të kem shumë dëshirë ta surprizoj. Është më shumë se një mik për mua. Është bukur të luash përballë tij, pasi është portier i Kombëtares dhe një nga më të mirët në Shqipëri. Do të ishte bukur ta sfidoja.

(E.Ç/ Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport idriz batha partizani tirana idriz batha partizani tirana