Politike

Rama me kryebashkiakët: Do realizojmë shërbimin e urbanistikës

Gjatë fjalës së tij në takimin me kryetarët e bashkive, Rama u shpreh se është finalizuar një diskutim me Bankën e Shqipërisë dhe të nivelit të dytë për të rilancuar programin e garancisë sovrane dhe të linjës së kredisë së Bankës së Shqipërisë.

3 Prill 2026, 15:26 Nga E.d
Rama me kryebashkiakët: Do realizojmë shërbimin e
Edi Rama

TIRANË- Kryeministri, Edi Rama tha se së bashku me kryebashkiakët do realizohet shërbimi i urbanistikës. Gjatë fjalës së tij në takimin me kryetarët e bashkive, Rama u shpreh se është finalizuar një diskutim me Bankën e Shqipërisë dhe të nivelit të dytë për të rilancuar programin e garancisë sovrane dhe të linjës së kredisë së Bankës së Shqipërisë.

Sipas tij, kjo do të jetë për të gjitha ndërmarrjet e vogla dhe të mesme që duan të rriten.

“Do realizojmë shërbimin e urbanistikës për ju. Me Ministrinë e Bujqësisë dhe Ministrinë e Mbrojtjes kemi bërë diskutim lidhur me krijimin e një urë bashkëpunimi për rezistencën e infrastrukturës kritike dhe kam parasysh edhe infrastrukturën mbrojtëse, kanalet, argjinaturat që janë themelore për të mbrojtur tokatë, shtëpitë nga përmbytjet. Këtu kemi nevojë për ju në një aspekt, do duhet t’ja përcjellin ministrit për pushtetin vendor analizën tuaj.

Ne kemi të dhënat e ministrisë së Bujqësisë dhe krizave që kanë kaluar më parë, por duke pasur nga ju në një format të thjeshtë pikat e dobëta dhe me prioritet, kjo na ndihmon të planizojmë më mirë financimin për ndërhyrjet, duke futur në punë edhe Ministrinë e Mbrojtjes qoftë në aspektin e financimit qoftë në aspektin e forcave. Kemi finalizuar një diskutim me Bankën e Shqipërisë dhe të nivelit të dytë për të rilancuar programin e garancisë sovrane dhe të linjës së kredisë së Bankës së Shqipërisë duke kaluar në një nivel tjetër. Do të jetë për të gjitha ndërmarrjet e vogla dhe të mesme që duan të rriten”, tha Rama./Dosja.al

edi rama ps takim

Sondazh

Poll

MË SHUMË