Politike

Berisha: Të ngremë zërin fuqishëm më 22 mars, sytë dhe mendja e partnerëve tanë janë te qytetarët shqiptarë dhe te opozita

Gjatë një prononcimi për median shqiptare nga Brukseli, Berisha iu bëri thirrje qytetarëve të marrin pjesë në protestë dhe të bëhen zëri i kryengritësve paqësorë.

19 Mars 2026, 09:54 Nga E.d
Berisha: Të ngremë zërin fuqishëm më 22 mars, sytë
Foto ilustruse

BRUKSEL- Kreu i Partisë Demokratike, Sali Berisha ka deklaruar ditën e sotme se më 22 mars e gjithë vëmendja e partnerëve në Evropë janë te qytetarët shqiptarë dhe te opozita. Gjatë një prononcimi për median shqiptare nga Brukseli, Berisha iu bëri thirrje qytetarëve të marrin pjesë në protestë dhe të bëhen zëri i kryengritësve paqësorë.

Lideri demokrat tha se marrëdhëniet me ndërkombëtarët dhe me shqiptarët të Edi Ramës janë përmbysur për shkak se dosja Balluku është dosja Rama. Sipas tij, dosja AKSHI është dosja familjare e Edi Ramës, ndaj këtë aspekt e cilësoj Ramën si të pashpresë.

Sali Berisha: Natyrisht, sytë, mendjet e miqve tanë, partnerëve tanë në Evropë dhe në botë janë të drejtuar tek qytetarët shqiptarë, tek opozita shqiptare, qëndresa e tyre ndaj këtij regjimi, përpjekja e tyre për largimin e tyre. Kështu që 22 marsi, këtu nga Brukseli shfrytëzoj rastin, nga ky moment historik siç ishte kremtimi i 50-vjetorit të PPE dhe samiti i liderëve kryesorë, kancelari Merz, Ursula von der Leyen, Presidentja e Komisionit Evropian dhe liderë të tjerë të pranishëm, pra shfrytëzoj këtë rast për t’u bërë thirrje shqiptarëve më 22 mars në kryengritjen tonë paqësorë të ngremë zërin fuqishëm, të ushtojë në Shqipëri dhe në Evropë dhe në botë zëri i protestës, zëri i kryengritësve paqësorë shqiptarë.

Marsi Korreshi: Zoti Berisha, a janë tronditur marrëdhëniet e Edi Ramës me ndërkombëtarët pas zhvillimeve të fundit që ju përmendët, por edhe për çështjen e Belinda Ballukut?

Sali Berisha: Çështja Belinda Balluku është çështja Rama. Marrëdhëniet me ndërkombëtarët dhe me shqiptarët të Edi Ramës janë përmbysur për shkak se dosja Balluku është dosja Rama. Dosja AKSHI është dosja familjare e Edi Ramës. Në këtë aspekt, Edi Rama është në rrethin e kuq dhe i pashpresë./Dosja.al

sali berisha 22 mars bruksel

Sondazh

Poll

MË SHUMË