Politike

Miratohet vetëm me votat e mazhorancës nisma për të shpallur Iranin vend terrorist, pritet të shqyrtohet sot në Kuvend

Në konferencëne e kryetarëve, projektrezoluta u miratua vetëm nga votat e socialistëve, për shpalljen e Iranit shtet financues të terrorizmit, si dhe për përcaktimin e Gardës Revolucionare si organizata terroriste.

17 Mars 2026, 09:39 Nga D.S
Miratohet vetëm me votat e mazhorancës nisma për të shpallur

TIRANË-  Është miratuar nisma për të shpallur Iranin vend terrorist. Në konferencëne e kryetarëve, projektrezoluta u miratua vetëm nga votat e socialistëve, për shpalljen e Iranit shtet financues të terrorizmit, si dhe për përcaktimin e Gardës Revolucionare si organizata terroriste.

Në përmbajtjen e pikave të draftit, dënohen sulmet kibernetike të atribuuara Iranit ndaj institucioneve shqiptare, përfshirë edhe sulmin më të fundit ndaj faqes së Kuvendit. Ndërkohë, Kreu i grupit parlamentar të Partisë Demokratike, Gazment Bardhi, e ka cilësuar mbledhjen si një proces jashtë standardeve parlamentare.

Sipas tij, bëhet fjalë për një seancë të thirrur pa një rend dite të miratuar zyrtarisht dhe në kundërshtim me procedurat e parashikuara në rregullore, duke e konsideruar atë si një nismë që lidhet me interesa politike të drejtuesve politik të Partisë Socialiste.

Sipas njoftimit zyrtar, rendi i ditës i publikuar paraprakisht përfshin vetëm miratimin e procesverbaleve të seancave të mëparshme dhe njoftime të ndryshme. Megjithatë, pritet që përmes mbledhjes së Konferencës së Kryetarëve të përfshihet edhe projektrezoluta në agjendën e seancës plenare./Dosja.al

 

kuvendi miratohet nisma për të shpallur iranin vend terrorist

Sondazh

Poll

MË SHUMË