Politike

Ndryshimet në qeveri/ Sot betohen ministrat e rinj të qeverisë “Rama 4”

Ceremonia zyrtare do të mbahet në mjediset e Pallatit të Brigadave, duke zyrtarizuar detyrën e tyre të re.

6 Mars 2026, 08:07 Nga D.S

Ndryshimet në qeveri/ Sot betohen ministrat e rinj të qeverisë

TIRANË- Pas miratimit të ndryshimeve në kabinetin “Rama 4”, ministrat e rinj do të betohen sot në orën 10:00 përpara Bajram Begajt. Ceremonia zyrtare do të mbahet në mjediset e Pallatit të Brigadave, duke zyrtarizuar detyrën e tyre të re.

Gjatë seancës plenare ditën djeshme, u votuan 6 shkarkime dhe 7 emërime të reja në postet ministrore. Pavarësisht miratimit të dekreteve, opozita nuk mori pjesë në votim, duke zgjedhur të bllokojë foltoren në shenjë proteste.

“Anëtarët e Këshillit të Ministrave, të dekretuar nga Presidenti i Republikës, do të kryejnë betimin përpara Presidentit të Republikës në ceremoninë që do të zhvillohet ditën e premte, më 6 mars 2026, ora 10:00”, Presidenca.

Votat:

1-Albana Koçiu – zv.kryeministre, 83 vota pro, 3 kundër
2-Ferit Hoxha – ministër i Jashtëm, 83 pro, 4 kundër
3-Besfort Lamallari – ministër i Brendshëm, 83 vota, pro 4 kundër
4-Ermal Nufi – ministër i Mbrojtjes, 83 vota pro, 6 kundër
5-Toni Gogu – ministër i Drejtësisë, 83 vota pro, 5 kundër
6-Enea Karakaçi – ministër i Infrastrukturës dhe Energjisë, 83 vota pro, 6 kundër
7-Eriona Ismaili – ministre e Shtetit për Marrëdhënie me Parlamentin, 82 vota pro, 4 kundër./Dosja.al

ndryshimet në qeveri / sot në orën betohen ministrat e rinj të qeverisë “rama 4”

Sondazh

Poll

MË SHUMË