Aktualitet

“Produkti i veprimtarisë kriminale”/ Miliona euro verë të zhdukura, SPAK merr në duar dosjen e Agasit

Pas hetimeve të kryera rezulton se vera  është produkt i veprimtarisë kriminale ku është përfshirë edhe biznesmeni Agasi.

4 Mars 2026, 14:19 Nga E.d
“Produkti i veprimtarisë kriminale”/ Miliona euro verë
Foto ilustruse

TIRANË- SPAK po heton zhdukjen e shisheve milona euroshe të versës, të cilat i përkisnin biznesmenit Ergys Agasit, i cili aktualisht ndodhet në arrati. 

Gazetarja Klodiana Lala raporton se burime pranë këtij institucioni thanë se kanë pranuar dosjen që iu përcoll për kompetencë nga prokurori Bledar Valikaj. Pas hetimeve të kryera rezulton se vera është produkt i veprimtarisë kriminale ku është përfshirë edhe biznesmeni Agasi. Vlera e saj rezulton të jetë rreth 1.4 mln euro, por nëse do të shitej në shishe do të kushtonte shumë herë më shumë. 

Biznesmeni, Ergys Agasi vijon të jetë në kërkim ndërkombëtar nga autoritetet shqipatre. Ai akuzohet se është kreu i një grupi kriminal, i cili përmes rrëmbimit të biznesmenëve të ndryshëm, mundësonte tërheqjen e tyre nga tenderat e AKSHI-t. Ai akuzohet për veprat penale që kanë të bëjnë me konkurrencën e paligjshme përmes heqjes së paligjshme të lirisë e grupit kriminal.

Bashkë me Agasin është shpallur në kërkim edhe Ermal Beqiri, i cili akuzohet se ka qenë dhe ai kreu i kësaj organizate kriminale. Dyshohet se ai bashkë me Agasin kanë urdhëruar rrëmbimin e biznesmenit Gerond Meçe dhe e kanë detyruan atë të tërhiqte ankesat për tenderat e Agjencisë Kombëtare të Shoqërisë së Informacionit. 

Tashmë SPAK po heton zhdukjen e shisheve të verës dhe në lidhje me këtë po hetohet kushëriri i Ergys Agasit, i cili po pengon zbardhje e së vërtetës. Kjo pasi ajo u la në ruajtje atij, por ai vijon mos të tregojë se ku i dërgoi shishet e verës./Dosja.al

ergys agasi ermal beqiri spak

Sondazh

Poll

MË SHUMË