Aktualitet

Ndërron jetë në moshën 79-vjeçare, komediani i njohur Mane Lumani

Që prej vitit 2004, ku iu hoqën kordat zanore për shkak të një mase tumorale, Lumani nuk mundi të fliste më.

1 Mars 2026, 21:20 Nga D.S

Ndërron jetë në moshën 79-vjeçare, komediani i njohur

VLORË- Është ndarë nga jeta në moshën 79-vjeçare aktori i njohur i humorit, Mane Lumani, pjesë e grupit legjendar “4 Parodistët e Vlorës”. Që prej vitit 2004, ku iu hoqën kordat zanore për shkak të një mase tumorale, Lumani nuk mundi të fliste më.

Pavarësisht kësaj sfide të madhe shëndetësore, figura e tij mbeti e gjallë në kujtesën e publikut dhe në historinë e artit skenik shqiptar. Ai la pas një trashëgimi të pasur artistike dhe një kontribut të vyer në humorin shqiptar, me talentin e tij për imitimin dhe interpretimin e roleve komike që bëri diferencën në estradën e humorit. 

Karrierën artistike e nisi në vitin 1974 si aktor amator në ndërmarrjen e Ullishtës në Vlorë, ku ra në sy për humorin e hollë dhe aftësinë për të sjellë në skenë personazhe të ndryshme me finesë dhe zgjuarsi. Lumani do të kujtohet gjithmonë përmes krijimtarisë të tij kryesisht në grupin e njohur “4 Parodistët e Vlorës”, së bashku me Agron Hoxha, Afrim Agalliu dhe më vonë Muhamet Lika./Dosja.al

 

 

mane lumani

Sondazh

Poll

MË SHUMË