Aktualitet

EMRAT/ Ekstradohen tre persona nga Italia dhe Gjermania! Ja për çfarë janë dënuar

U ekstradua nga Gjermania, Ibrahim Anxhara, 27 vjeç, pasi në vitin 2024, Gjykata e Korçës e ka dënuar me 3 vjet e gjysmë burgim, për veprën penale “Prodhimi dhe shitja e narkotikëve”.

1 Mars 2026, 11:51 Nga E.d

EMRAT/ Ekstradohen tre persona nga Italia dhe Gjermania! Ja për

Foto ilustruse

TIRANË- Tre persona janë ekstraduar ditën e sotme në Shqipëri nga Gjermania dhe Italia. Ata ishin të dënuar për veprimtari kriminale që lidhen me lëndët narkotike, ndihmë për kalim të paligjshëm dhe korrupsion.

U ekstradua nga Gjermania, Ibrahim Anxhara, 27 vjeç, pasi në vitin 2024, Gjykata e Korçës e ka dënuar me 3 vjet e gjysmë burgim, për veprën penale “Prodhimi dhe shitja e narkotikëve”.

U ekstradua nga Milano, Samoel Terolli, 46 vjeç pasi Gjykata e Lezhës, në qershor të vitit 2023, e ka dënuar me 5 vjet burgim, për veprën penale “Ndihma për kalim të paligjshëm të kufijve”, kryer në bashkëpunim.

Gjithashtu u ekstardua nga Italia edhe Genci Balla. Ai ishte shpallur në kërkim pasi Gjykata e Rrethit Gjyqësor Durrës e ka dënuar me 2 vjet e 8 muaj burgim, për veprën penale “Korrupsion pasiv i personave që ushtrojnë një funksion publik”.

Njoftimi i policisë

“Finalizohen edhe tre faza të tjera të operacionit ndërkombëtar, të koduar “The Wanted”. Ekstradohen nga Gjermania dhe Italia tre shtetas të akuzuar për veprimtari kriminale në fushën e narkotikëve, ndihmë për kalim të paligjshëm dhe korrupsion.

-Në vijim të bashkëpunimit të ngushtë me homologët, specialistët e Drejtorisë së Interpolit, në kuadër të operacionit të koduar “The Wanted”, finalizuan procedurën për ekstradimin në Shqipëri të shtetasit të shpallur në kërkim ndërkombëtar Ibrahim Anxhara alias Ibrahim Potka, 27 vjeç. Në vitin 2024, Gjykata e Korçës e ka dënuar këtë shtetas me 3 vjet e gjysmë burgim, për veprën penale “Prodhimi dhe shitja e narkotikëve”.

-U krye ekstradimi nga Milano, Itali, i shtetasit Samoel Terolli alias Jetmir Hysenaj, 46 vjeç. Ky shtetas ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Lezhë, në qershor të vitit 2023, e ka dënuar me 5 vjet burgim, për veprën penale “Ndihma për kalim të paligjshëm të kufijve”, kryer në bashkëpunim.

-Po nga Italia u krye ekstradimi drejt vendit tonë i shtetasit Genci Balla, 51 vjeç, banues në Durrës. Shtetasi Genci Balla ishte shpallur në kërkim pasi Gjykata e Rrethit Gjyqësor Durrës e ka dënuar me 2 vjet e 8 muaj burgim (pjesa e mbetur e dënimit 2 vjet, 2 muaj e 23 ditë burgim), për veprën penale “Korrupsion pasiv i personave që ushtrojnë një funksion publik”./Dosja.al

italia gjermani policia