Aktualitet

Deklaroi se nuk ishte paguar/ RTSH ngre padi ndaj moderatorit Florian Agalliu për mashtrim

Por bazuar në dokumentet zyrtare, rezulton se Agalliu nuk ka qenë punonjës me pagë, por përfitues i një projekti të jashtëm me afat të përcaktuar. 

1 Mars 2026, 13:05 Nga E.d

 

Deklaroi se nuk ishte paguar/ RTSH ngre padi ndaj moderatorit Florian
Foto ilustruse

TIRANË- RTSH ka paditur moderatorin Florian Agalliu, pasi sipas tyre ai ka mashtruar gjykatën në lidhje me pagën. Ai ka deklaruar se ka qenë punonjës i RTSH-së dhe nuk ka marrë pagat përkatëse. Por bazuar në dokumentet zyrtare, rezulton se Agalliu nuk ka qenë punonjës me pagë, por përfitues i një projekti të jashtëm me afat të përcaktuar. 

Ai ka qenë moderator i një emisioni mëngjesi. Ai ka paraqitur në gjykatë një status juridik të pasaktë të marrëdhënies së tij me RTSH-në. Kjo duke e paraqitur atë si një marrëdhënie punësimi të rregullt. Në lidhje me këtë situatë, RTSH ka ngritur një padi ndaj ish-moderatorit për mashtrim. Kjo padi është bërë në Gjykatën e Shkallës së Parë të Juridiksionit të Përgjithshëm në Tiranë. 

Me anë të kësaj, RTSH kërkon gjithashtu pezullimin dhe pavlefshmërinë e titullit ekzekutiv të vendimit të datës 28.01.2026 të Gjykatës së Shkallës së Parë të Juridiksionit të Përgjithshëm Tiranë. RTSH thotë se pretendimi se Agalliu nuk është paguar, është i pavërtetë. Kjo pasi, sipas tyre detyrimi financiar është duke u shlyer në formën e honorareve./Dosja.al

florian agalliu rtsh padi

Sondazh

Poll

MË SHUMË