Politike

"Këtu na rrezikohet jeta"/ Shoferët e linjave të transportit interurban në protestë për vendqëndrimin e ri të autobusëve: S'kemi asnjë kusht minimal

Ata janë shprehur për mediat, se vendqëndrimi i ri nuk plotëson asnjë kusht për të qenë një stacion urbani, teksa shtojnë se po u rrezikohet edhe jeta për shkak se zbarkojnë pasagjerët dhe bagazhet në anën e rrugës duke u kthyer në burim aksidenti.

16 Shkurt 2026, 11:22 Nga E. D

"Këtu na rrezikohet jeta"/ Shoferët e linjave të

VLORË- Përfaqësuesit e Transportit interurban në qytetin e Vlorës kanë dalë ditën e sotme, duke protestuar në hyrje të qytetit, në rrugën që lidh aksin Transballkanike me autostradën e Vlorës. Protesta vjen, pasi vendqëndrimi i ri i autobusëve interurban është zhvendosur në hyrje të qytetit të Vlorës duke u larguar nga rruga e re ku ishte më parë.

Ata janë shprehur për mediat, se vendqëndrimi i ri nuk plotëson asnjë kusht për të qenë një stacion urbani, teksa shtojnë se po u rrezikohet edhe jeta për shkak se zbarkojnë pasagjerët dhe bagazhet në anën e rrugës duke u kthyer në burim aksidenti.

Ata nënvizojnë se protestën e tyre do ta vazhdojnë duke pezulluar aktivitetin derisa të merren masa për zgjidhjen e këtij problemi. Gjithashtu përfaqësuesit e Transportit interurban shprehen se nëse ndërtohet një terminal me kushtet e duhura atëherë do të vazhdojnë të punojnë.

"Ne nuk jemi dakord për këtë, sepse këtu nuk ka asnjë kusht minimal. Këtu na rrezikohet jeta. Do vazhdojmë të pezullojmë punën”, tha një shofer.

Në tjetër thotë se po kërkojnë kushtet më minimale, por statcioni që ka caktuar kryetarja e bashkisë është një vend mizerable.

“Ne kërkojmë kushtet më minimale. Statcioni që na caktuar kryetarja e bashkisë është një vend mizerable. Ky vend është burim aksidenti, ne kërkojmë një terminal”, tha një tjetër.

Po ashtu një shofer tjetër theksoi se Vlora është i vetmi qytet që nuk ka terminal dhe pezullimi i punës do të vazhdojë.

"Vlora është i vetmi qytet që nuk ka terminal. E kemi pezulluar punën dhe do të vazhdojmë ta pezullojmë", theksoi një tjetër./Dosja.al

 

vlore

Sondazh

Poll

MË SHUMË