Politike

"Japim 10 mln euro në vit për godina"/ Rama: Shteti vazhdon paguan akoma ata gjyqtarë që kanë ikur nga vettingu

Por Rama shtoi se gjyqtarët dhe prokurorët nuk duhet të abuzojnë me faktin se janë të pavarur dhe të kërkojnë çfarë të duan.

12 Shkurt 2026, 12:15 Nga I.A

"Japim 10 mln euro në vit për godina"/ Rama: Shteti vazhdon

TIRANË- Kryeministri Edi Rama ka ngritur një shqetësim sipas tij, pasi shteti vazhdon ende të paguajë gjyqtarët që janë larguar nga vettingu. Gjatë fjalës së tij, Rama u shpreh se ky është një shqetësim, pasi nëse ato para do ti jepej sistemit të drejtësisë, do të kishin ambiente më të mira pune.

Por Rama shtoi se gjyqtarët dhe prokurorët nuk duhet të abuzojnë me faktin se janë të pavarur dhe të kërkojnë çfarë të duan.

“Lekët nuk janë as tonat as tuajat, por janë të shtetit. Nëse sistemi abuzon me faktin që jemi të pavarur dhe duam të kërkojmë, duam të shtojmë dhe duam të bëjmë…sepse po shikoja sa paguan shteti për ata që kanë ikur nga vettingu, është histori më vete. Edhe ata marrin një pjesë të këtyre zyrave. Sikur shteti të mos paguante gjykatësit që kanë ikur nga vettingu, ne mund tua jepnim ato para dhe ju mund të merrnit me qira zyra shumë të mira, por i marrin ata akoma e sot që flasim. Dhe ka akoma e sot gjyqe që pretendojnë të marrin para për shkak se janë larguar nga vendi i punës. Këto janë gjera që të gjitha bashkë shkojnë në një terësi parash që rëndon. Sot paguajmë, ne si qeveri mbi 10 mln euro qira në vit. Në dy vjet bëhen 20 mln euro e radhë. Por shpresojmë që duke ndërtuar këto zyra, të paktën qeverinë të mos e kemi me qira, se është qesharake. E njëjta gjë vlen edhe për sistemin tuaj, të mos e kemi me qira,” tha Rama./Dosja.al

edi rama

Sondazh

Poll

MË SHUMË