Aktualitet

Tentoi të kalonte kufirin me municion luftarak dhe 4 armë të ftohta në automjet, arrestohet 39-vjeçari në Morinë

Gjatë kontrollit në automjet, shërbimet e Policisë gjetën 2 karikatorë me fishekë, 2 thika, 1 sëpatë dhe 1 shkop metalik.

10 Shkurt 2026, 15:17 Nga E.d
Tentoi të kalonte kufirin me municion luftarak dhe 4 armë të
Foto ilustruse

KUKËS- Policia ka arrestuar ditën e sotme një 39-vjeçar në Morinë. Ai u arrestua nga shërbimet e Policisë Kufitare Morinë pasi tentoi të kalonte kufirin me municion luftarak dhe 4 armë të ftohta në automjet. Gjatë kontrollit në automjet, shërbimet e Policisë gjetën 2 karikatorë me fishekë, 2 thika, 1 sëpatë dhe 1 shkop metalik.

Ata janë sekuestruar nga policia në  cilësinë e provës materiale. Mbi të rëndojë akuzat për veprat penale “Trafikimi i armëve dhe i municionit” dhe “Prodhimi, mbajtja, blerja apo shitja pa leje e armëve të ftohta”.

Njoftimi i policisë

Tentoi të kalonte kufirin, me municion luftarak dhe 4 armë të ftohta në automjet, vihet në pranga nga shërbimet e Policisë Kufitare Morinë, 39-vjeçari, shtetas kosovar.

Shërbimet e Policisë Kufitare Morinë, në vijim të punës për goditjen e krimeve ndërkufitare, bazuar në analizën e riskut, kanë kaluar për kontroll në vijë të dytë, në hyrje të RSh-së, automjetin me drejtues shtetasin M. L. Gjatë kontrollit në automjet, shërbimet e Policisë gjetën 2 karikatorë me fishekë, 2 thika, 1 sëpatë dhe 1 shkop metalik si ai i Policisë, të cilat u sekuestruan në cilësinë e provës materiale, bashkë me automjetin.

Në përfundim të veprimeve për rastin, specialistët për Hetimin e Krimeve të DVKM Kukës arrestuan në flagrancë shtetasin M. L., 39 vjeç, banues në Kosovë, për veprat penale “Trafikimi i armëve dhe i municionit” dhe “Prodhimi, mbajtja, blerja apo shitja pa leje e armëve të ftohta”./Dosja.al

morinë 39-vjeçar municion luftarak

Sondazh

Poll

MË SHUMË