Aktualitet

Mbeti i plagosur pasi ndërhyri në konfliktin mes babait dhe vajzës në Durrës/ 35-vjeçari transferohet në Spitalin Universitar të Traumës, si paraqitet gjendja e tij shëndetësore

Koleget, jashtë kamerës kanë deklaruar se ata debatuan ashpër, në rrugë përpara agjencisë dhe në debat e sipër, 56-vjeçari ka nxjerr thikën duke goditur barbarisht të bijën.

29 Janar 2026, 19:50 Nga E. D
Mbeti i plagosur pasi ndërhyri në konfliktin mes babait dhe
Mikel Ndoj

DURRËS- Detaje të reja janë zbardhur nga ngjarja e ndodhur në më 26 janar në Durrës, ku 56-vjeçari Mikel Ndoj plagosi me thikë vajzën e tij Xhesika Ndoj dhe kolegun e saj Onard Memlika, 35 vjeç. Bëhet me dije se ky i fundit mori tre plagë, pasi ndërhyu në konfliktin e babait me të bijën dhe ndodhet në Spitalin Universitar të Traumës. 35-vjeçari po merr trajtim më të specializuar dhe ndodhet jashtë rreziku për jetën. 

Si ndodhi ngjarja?

Ngjarja e rëndë ndodhi më 26 janar, ku 56-vjeçari Mikel Ndoj plagosi me thikë disa herë vajzën e tij Xhesika Ndoj. Fillimisht autori u largua nga vendngjarja, por arratia zgjati pak orë dhe ra në prangat e policisë. 24-vjeçarja ishte nisur për punë, si çdo ditë kur para agjencisë imobiliare ku punonte gjeti të atin që e priste prej disa minutash.

Ndërkohë kolegu i 24-vjeçares, Onard Memlika ndërhyri për ta shpëtuar por mbeti gjithashtu i plagosur. Koleget, jashtë kamerës kanë deklaruar se ata debatuan ashpër, në rrugë përpara agjencisë dhe në debat e sipër, 56-vjeçari ka nxjerr thikën duke goditur barbarisht të bijën.

Mikel Ndoj ishte i divorcuar për shkak të dhunës së vazhdueshme që ky i fundit kishte ushtruar në familje. 56-vjeçari rezulton një person me precedent penal në shtetin Italian për dhunë, vepër për të cilën kishte kryer edhe disa vite burg. Ndërsa, e ëma e vajzës së plagosur punonte në një fasoneri pranë vendit të ngjarjes./Dosja.al

mikel ndoj

Sondazh

Poll

MË SHUMË