Aktualitet

EMRAT/ Tenderat e 4 komisariateve, SPAK jep pretencën për 15 të pandehur

Mësohet se Prokurorja Dorina Bejko ka kërkuar dënimin me 9 muaj burg për Denisa Skënderajn. Për shkak të gjykimit të shkurtuar dënimi ulet me 1/3, duke zbritur në 6 muaj burg.

29 Janar 2026, 19:50 Nga DOSJA
EMRAT/ Tenderat e 4 komisariateve, SPAK jep pretencën për 15 të
SPAK

TIRANË- SPAK ka dhënë pretencën për zyrtarë të Ministrisë së Brendshme lidhur me anuzimin me tenderin “Studim-projektim i disa objekteve të Policisë së Shtetit”. Mësohet se Prokurorja Dorina Bejko ka kërkuar dënimin me 9 muaj burg për Denisa Skënderajn. Për shkak të gjykimit të shkurtuar dënimi ulet me 1/3, duke zbritur në 6 muaj burg.

Gjithashtu në pretencë, SPAK kërkon pezullimin e dënimit dhe vendosjen e të pandehurës në shërbim prove për 1 vit. E njëjta pretencë është dhënë edhe për të pandehurat: Lira Kolari, Lindita Mukaj, Silva Dauti (Kushi), Grida Isufi, Jonarda Çurku, Julia Hysa (Done), Elora Kokalari dhe Aida Shehi. 

Për gratë, SPAK ka kërkuar që dënimi të mos ekzekutohet me burg edhe në rast shpalljeje fajtore, ndërsa për burrat nuk është kërkuar aplikimi i nenit 59 të Kodit Penal. Për Blendi Kovin, SPAK ka kërkuar 9 muaj burg, që për shkak të gjykimit të shkurtuar zbret në 6 muaj.

Po ashtu e njëjta pretencë është dhënë edhe për: Deni Klosi, Ferdinand Tarazhi, Emiljano Mehmeti, Klejdi Meço dhe Erand Robaçi. Për të gjithë 15 të pandehurit, prokurorja Dorina Bejko ka kërkuar gjithashtu heqjen e së drejtës për të ushtruar funksione publike për një periudhë 5-vjeçare.

Tenderat për supervizimin e 4 komisariateve në Vlorë, Komisariatin nr. 4 në Tiranë, Pogradec dhe Mirditë kapnin vlerën rreth 555 mijë euro, por sipas SPAK, procedurat janë kryer në shkelje të ligjit për të favorizuar një prej kompanive./Dosja.al

spak

Sondazh

Poll

MË SHUMË