Politike

21 Janari/ Rama në podcast: Uroj që SPAK të zgjohet dhe të bëjë më në fund punën e vet mbi këtë krim shtetëror

Gjatë podcastit 'Flasim', Rama u shpreh se 21 janari prej 15 vitesh mbetet një plagë e hapur e drejtësisë. 

25 Janar 2026, 09:50 Nga DOSJA
21 Janari/ Rama në podcast: Uroj që SPAK të zgjohet dhe
Foto ilustruse

TIRANË- Kryeministri Edi Rama ka deklaruar se Prokuroria e Posaçme duhet që të bëj punën e saj dhe të jap drejtësi për 4 viktimat e 21 Janarit. Gjatë podcastit 'Flasim', Rama u shpreh se 21 janari prej 15 vitesh mbetet një plagë e hapur e drejtësisë. 

Ndërkohë që në fund të fjalës së vetë, Rama theksoi se familjarët po presin drejtësi. 

“15 vjet pas krimit shtetëror të 21 janarit mbetet një plagë e hapur e drejtësinë në Shqipëri dhe themelet e drejtësisë së shtetit shqiptar. Ne e bëmë ritin e nderimit për dëshmorët e atdheut, por familjarët presin drejtësi. Krime si i 21 janarit janë krime shtetërore ku drejtësia vonon por asnjëherë nuk harron, duan kohë të zbardhet, por koha nuk i zhbën dot nga kujtesa. Shpresoj që SPAK, i cili prej 6 vjetësh ka marrë jetë, gëzon mbështetjen e padiskutueshme dhe ka pasur inkurajimet më të sinqerta për të vendosur drejtësinë në binarët e ri të barazisë para ligjit, të zgjohet dhe të bëjë më në fund punën e vet mbi këtë krim, që është një njollë për drejtësinë shqiptare dhe do jetë e pashlyeshme si njollë për SPAK”, tha Rama./Dosja.al

edi rama

Sondazh

Poll

MË SHUMË