Politike

Shqipëria në Bordin e Paqes/ Rama: Ishte një ftesë e mirëseardhur, u miratua me një ‘po’ të fortë, edhe me votat e atyre që s’lanë gjë pa thënë

Në fjalën e tij në podcastin 'Flasim', Rama ttheksoi se Shqipëria, si një shtet që ka gjetur paqen si busullën e vet e aprovoi me një “po” të fortë edhe me votat e Opozitës.

25 Janar 2026, 09:46 Nga E.d
Shqipëria në Bordin e Paqes/ Rama: Ishte një ftesë e
Foto ilustruse

TIRANË- Kryeministri Edi Rama ka deklaruar ditën e sotme se ftesa e Shqipërisë për në Bordin e Paqes u pranua dhe u ratifikua në një formë projektmarrëveshjeje dhe projektligji nga Kuvendi gjatë javës. Në fjalën e tij në podcastin 'Flasim', Rama ttheksoi se Shqipëria, si një shtet që ka gjetur paqen si busullën e vet e aprovoi me një “po” të fortë edhe me votat e Opozitës. Në fund, ai tha se ishte një ftesë e mirëseardhur, edhe pse nuk dyshonte se do shoqërohej me zhurmë.

“Realisht që ishte një ftesë e mirëseardhur, edhe pse nuk e dyshoja që do të kishte zhurmë dhe përpjekje për të bërë tollovi, nuk e mendoja që fantazitë dhe ligësia do të bashkoheshin për t’i dhënë jetë disa teorive dhe përrallave që duhet të jenë vërtet të rënda, që të arrihet deri në pikat ku u arrit.

Ftesa u mirëprit, u pranua dhe u ratifikua në një formë projektmarrëveshjeje dhe projektligji. Shqipëria, si një shtet që ka gjetur paqen si busullën e vet dhe që ka ditur të kontribuojë në tryeza të rëndësishme ndërkombëtare, e aprovoi me një “po” të fortë, edhe me votat e atyre që nuk lanë gjë pa thënë, përkatësinë në këtë bord.”  tha Rama./Dosja.al

 

edi rama podcast bordi i paqes

Sondazh

Poll

MË SHUMË