Aktualitet

"O zemra do ta jap ai pa lek "/ E afërmja e të paraburgosurit bënte “pazar” për të siguruar drogën që ta fuste në burgun e Elbasanit: Pak do ky, 10 për hundë! Tako çiftin dhe...

Sipas bisedave, Esmeralda Komici komunikon në telefon me Gerald Stamollën, i cili i kërkon të kryejë porosinë për drogën. Gjithashtu në bisedë, i paraburgosuri i thotë Esmeraldës se një shok i tij do ta marrë në telefon dhe se do t’i japë “cigaren” në Elbasan.

24 Janar 2026, 16:51 Nga E. D
"O zemra do ta jap ai pa lek "/ E afërmja e të
foto ilustruese

ELBASAN- Dosja hetimore e Prokurorisë së Elbasanit në lidhje me arrestimin e tre personave, Ndriçim Kroi, Gerald Stamolla dhe Esmeralda Komici, të cilët fusnin lëndë narkotike në burgje është zbardhur.  Në dosje janë zbardhur përgjimet Esmeralda Komicit, të afërmes së të paraburgosurit Gerald Stamolla, e cila konumikonte jashtë për të siguruar drogën dhe më pas për ta dërguar brenda në burg. 

Sipas bisedave, Esmeralda Komici komunikon në telefon me Gerald Stamollën, i cili i kërkon të kryejë porosinë për drogën. Gjithashtu në bisedë, i paraburgosuri i thotë Esmeraldës se një shok i tij do ta marrë në telefon dhe se do t’i japë “cigaren” në Elbasan.

PJESË NGA DOSJA:

Biseda me interes nga 25.06.2025 deri 10.07.2025 të zhvilluara nga Esmeralda Komici.

Në datën 26.06.2025 në orën 10:50 PM  shtetësja Esmeralda Komici e merr ne telefon Gerald Stamolla  (kabina IEVP Elbasan);

Geraldi: Një shoku im do të marë në telefon dhe do të jap cigaren aty në Elbasan, dhe më pas i thotë merr çiftin në telefon dhe jepja.

Esmeralda: Nuk e marr se nuk kam mundësi se nuk kam lekët ta paguaj.

Geraldi: O zemra do ta jap ai pa lek dhe lek jepja sa lek të kesh, tako çiftin dhe jepja.

Në një tjetër bisedë, Esmeralda Komici i dërgon mesazh një numri të paidentifikuar. Ajo shkruan “40 bëj dhe 10 mijë lek se pak do ky, totali 50 mijë lekë.” Numri në fjalë i shkruan asaj që ta presë te një rrugicë në qytet për të zbatuar porosinë.

Në datën 27.06.2025 në orën 03:16  PM  Esmeralda Komici me i dërgon SMS personit.

Esmeralda: 40 bëj dhe 10 mijë lek se pak do ky, totali 50 milek.

Numri: Te prokuroria, po 10 për hundë.

Numri: Sa po i hipi motorit, për tre minuta dil të lutem. Më del dot te rrugica e Brakës. Dil.

Esmeralda: Yes! o lal po sa pak e kishe bo?

Sondazh

Poll

MË SHUMË