Aktualitet

Ministri i Drejtësisë kërkon hetim për gjyqtaren e Korçës Eglantina Mikani

Mësohet se Lamallari kërkon që hetimi të lidhet me shkelje të rënda procedurale në një çështje penale kundër shtetasit R.F, i akuzuar për “Ndihmë për kalim të paligjshëm të kufirit” në bashkëpunim.

23 Janar 2026, 11:06 Nga I.A
Ministri i Drejtësisë kërkon hetim për gjyqtaren e
Besfort Lamallari dhe Eglantina Mikani

TIRANË- Ministri i Drejtësisë, Besfort Lamallari, ka dërguar një kërkesë zyrtare tek Inspektori i Lartë i Drejtësisë (ILD) për të nisur një hetim disiplinor ndaj gjyqtares së Gjykatës së Korçës, Eglantina Mikani. Mësohet se Lamallari kërkon që hetimi të lidhet me shkelje të rënda procedurale në një çështje penale kundër shtetasit R.F, i akuzuar për “Ndihmë për kalim të paligjshëm të kufirit” në bashkëpunim.

Sipas Ministrisë së Drejtësisë, vendimi penal në këtë rast është shpallur më 14 dhjetor 2022, por vendimi i arsyetuar dhe dosja përkatëse u depozituan në sekretarinë gjyqësore vetëm më 7 mars 2024, duke tejkaluar afatin e parashikuar në Kodin e Procedurës Penale me 14 muaj e 24 ditë. Ministri Lamallari vlerëson se kjo vonesë ka pasur pasoja konkrete juridike, pasi vendimi ka marrë formë të prerë më 20 maj 2024, duke penguar të pandehurin nga përfitimi i amnistisë së parashikuar me ligjin nr. 33/2024.

Në shkresën drejtuar ILD-së, ministri argumenton se veprimet e gjyqtares bien ndesh me Kushtetutën dhe Kodin e Procedurës Penale, të cilat kërkojnë shpalljen dhe arsyetimin e vendimeve brenda afateve ligjore.

“Në zbatim të ligjit Nr.115/2016, ligjit 8678/2001, të ndryshuar, dhe ligjit Nr.96/2016, kërkohet fillimi i hetimit disiplinor ndaj gjyqtares së Gjykatës së Shkallës së Parë të Juridiksionit të Përgjithshëm Korçë, Eglantina Mikani”, thuhet në shkresë.

eglantina mikani besfort lamallari

Sondazh

Poll

MË SHUMË