Politike

Lapaj: Sot Gjykata dënoi penalisht Agron Shehaj, pretendimet e tij i shërbyen vetëm Edi Ramës

Përmes një reagimi, Lapaj tha se prej javësh ndodhet në shesh kundër Ramës, për akuzat për korrupsion që e kanë kapluar qeverinë e tij.

21 Janar 2026, 18:03 Nga E.d
Lapaj: Sot Gjykata dënoi penalisht Agron Shehaj, pretendimet e tij i
Foto ilustruse

TIRANË- Kreu i 'Shqipëria Bëhet', Adriatik Lapaj ka deklaruar ditën e sotme se Gjykata dënoi penalisht Agron Shehaj dhe se pretendimet e tij i shërbyen vetëm Edi Ramës.

Përmes një reagimi, Lapaj tha se prej javësh ndodhet në shesh kundër Ramës, për akuzat për korrupsion që e kanë kapluar qeverinë e tij. Ai lajmëroj edhe protestën e tij të rradhës, e cila do të mbahet në datën 31 janar, në orën 18:00, në shesh. 

'Sot, Gjykata e Posaçme, e dënoi penalisht deputetin Agron Shehaj, për çka kishte pretenduar përpara zgjedhjeve të 11 majit. Çka ai pretendoi, para zgjedhjeve të 11 majit, i shërbeu në mënyrë ekzemplare Edi Ramës, kundër të cilit, prej javësh, ndodhem në shesh, për akuzat për korrupsion që e kanë kapluar qeverinë e tij.

Sot, ndihem krenar, përballë secilit prej jush, që po luftoj në çdo front përballë të gjithëve atyre që po i shërbejnë vjedhjes dhe kapjes së shtetit nga një pakicë njerëzish. Në datën 31 janar, në orën 18:00, masivisht në shesh, kundër qeverisë më të korruptuar të Europës, dhe atij që drejton ekipin më të korruptuar në Shqipëri," tha Lapaj./Dosja.al

adriatik lapaj edi rama agron shehaj

Sondazh

Poll

MË SHUMË