Politike

"Skandali i AKSHI-t po kundërmon në Europë"/ Berisha: Rama ka përgjuar dhe kontrolluar edhe të huajt në Shqipëri

Sipas Berishës, ky skandal po kthehet në një çështje shqetësimi serioz për sigurinë rajonale dhe atë euroatlantike.

21 Janar 2026, 13:20 Nga I.A
"Skandali i AKSHI-t po kundërmon në Europë"/ Berisha:
Sali Berisha

TIRANË- Kryedemokrati Sali Berisha ka deklaruar se skandali i Agjencisë Kombëtare të Shoqërisë së Informacionit (AKSHI) ka marrë përmasa të rënda dhe tashmë po kundërmon në të gjithë Europën. Sipas Berishës, ky skandal po kthehet në një çështje shqetësimi serioz për sigurinë rajonale dhe atë euroatlantike.

Më tej Berisha theksoi se kjo aferë është duke u diskutuar gjerësisht në kancelaritë europiane, ku sipas tij nuk flitet për asgjë tjetër veçse për implikimet e rënda të skandalit të AKSHI-t.

"Situata është edhe më dramatike dhe po kundërmon në mbarë Europën. Në kancelaritë evropiane nuk flitet për gjë tjetër veçse për AKSHI-n. Dy arsye. Edi Rama ka përdorur AKSHI-n për të përgjuar dhe kontrolluar jo vetëm çdo qytetar shqiptar, por edhe çdo të huaj në Shqipëri. Nga AKSHI janë eksportuar të gjithë të dhënat sekrete të Shqipërisë dhe ato të aleancës së Atlantikut të Veriut, tek organizatat kriminale dhe armiqtë e NATO-s dhe kjo përbën një dhunim të madh të sigurisë, jo vetëm për Shqipërinë, por edhe për rajonin dhe Europën. Por AKSHI është një monedhë me dy faqe. Në njërën anë është Linda e AKSHI-t, në anën tjetër është Linda e Surrelit. Dhe kjo e trondit Edi Ramën. Kjo e shkatërron Edi Ramën," tha Berisha./Dosja.al

sali berisha

Sondazh

Poll

MË SHUMË