Aktualitet

VIDEO+EMRAT/ Goditet grupi kriminal që shiste armë zjarri, tre persona në pranga

Gkatë aksionit, janë sekuestruar 5 armë zjarri dhe municion luftarak, që dyshohet se do të shiteshin në Tufinë dhe në Fresk.

21 Janar 2026, 11:39 Nga I.A
VIDEO+EMRAT/ Goditet grupi kriminal që shiste armë zjarri, tre persona
Pamjet

TIRANË- Një grup i strukturuar kriminal është goditur ditën e sotme në Tiranë. Mësohet se grupi prej 4 anëtarësh vijonte aktivitetin e tij kriminal në shitjen e armëve të zjarrit.

Gkatë aksionit, janë sekuestruar 5 armë zjarri dhe municion luftarak, që dyshohet se do të shiteshin në Tufinë dhe në Fresk. Ndërkohë që në pranga kanë rënë  3 anëtarë të grupit, ndërsa i katërti është shpallur në kërkim. 

Në pranga kanë rënë Artur Brahimaj, Ilir Zyberi dhe Artur Rushiti. Mes tre personave të arrestuar, Zyberi ka qene i dënuar më parë për vrasje.

Njoftimi i Policisë:

Finalizohet pas 3 muajsh hetime me metoda proaktive, operacioni i koduar “Anëtarët”. Goditet një grup kriminal që shiste armë zjarri. Vihen në pranga 3 pjesëtarë të këtij grupi, të tre me precendent penal.

2 prej tyre u kapën në flagrancë, nga shërbimet e Policisë, në Tufinë, në tentativë për të shitur 2 armë zjarri kallashnikov.

Identifikohet dhe shpallet në kërkim 1 shtetas, i dyshuar si pjesëtar i këtij grupi. Sekuestrohen 5 armë zjarri dhe municion luftarak, që dyshohet se do të shiteshin në Tufinë dhe në Fresk.

Si rezultat i hetimeve të kryera me metoda proaktive, gjatë 3 muajve, nga specialistët për Hetimin e Krimeve të Komisariatit të Policisë Nr. 4, në drejtimin e Prokurorisë së Tiranës, është organizuar në bashkëpunim me Forcën e Posaçme Operacionale të DVP Tiranë dhe është finalizuar operacioni i koduar “Anëtarët”.

Gjithashtu, u shpall në kërkim shtetasi, një 28 vjeç. Gjatë operacionit, shërbimet e Policisë kanë kapur në flagrancë, në Tufinë, shtetasit A. B dhe I. Z., në tentativë për të shitur 2 armë zjarri kallashnikov.

Nga hetimet dyshohet se këta shtetas ishin pjesëtarë të një grupi që shiste armë zjarri në zona të ndryshme të Tiranës, kryesisht në Tufinë dhe në Fresk. Vijojnë hetimet, në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë në grup./Dosja.al

operacioni anëtarët artur rushiti ilir zyberi artur brahimaj

Sondazh

Poll

MË SHUMË