Aktualitet

Vrasja e Astrit Kalasë, xhaxhai i Elvis Shkambit kërkon ndryshimin e masës së sigurisë: Nuk ka kushte që të mbahem në paraburgim

Seanca në Gjykatën e Tiranës do të mbahet ditën e sotme, ku dhe pritet të vendoset mbi kërkesën e tij.  

16 Janar 2026, 10:43 Nga I.A
Vrasja e Astrit Kalasë, xhaxhai i Elvis Shkambit kërkon ndryshimin e
Gjon dhe Elvis Shkambi

TIRANË- Xhaxhai i Elvis Shkëmbit, Gjon Shkambi ka kërkuar ndryshimin e masës së sigurisë ndaj tij. Shkambi akuzohet veprat penale të “Vrasja e funksionarëve publikë” e kryer në bashkëpunim dhe “Vrasja në rrethana të tjera cilësuese kundër dy ose më shumë personave” e mbetur në tentativë dhe e kryer në bashkëpunim.

Sipas tij nuk ekzistojnë kushtet qe të mbahet në paraburgim dhe se nuk ka lidhje me vrasjen e gjyqtarit Astrit Kalaja. Seanca në Gjykatën e Tiranës do të mbahet ditën e sotme, ku dhe pritet të vendoset mbi kërkesën e tij.  

Si ndodhi ngjarja e rëndë?

Ngjarja ndodhi pas përfundimit të një seance gjyqësore për një çështje pronësie në Shkodër, e cila ishte në shqyrtim në Apelin e Tiranës. Mësohet se gjyqtari Astrit Kalaja kishte dhënë vendimin kundër palës së përfaqësuar nga Elvis dhe Gjon Shkambi. Menjëherë pas shpalljes së vendimit, Elvis Shkambi ka nxjerrë armën dhe ka qëlluar tre herë në drejtim të gjyqtarit, duke e goditur në gjoks dhe lënë të vdekur në vend. Gjatë të njëjtës ngjarje, janë plagosur edhe babë e bir, Rakip dhe Ervis Kurtaj, pala tjetër në proces./Dosja.al

elvis shkambi astrit kalaja

Sondazh

Poll

MË SHUMË