Aktualitet

“Kjo ndalesë do të jetë në fuqi deri...“/ SHBA pezulloi shqyrtimin e vizave për Shqipërinë! Zëdhënësi i DASH: Emigrantët s’do pasurohen nga amerikanët

Ndësa zëdhënësi i Departamentit amerikan të Shtetit, Tommy Pigott u shpreh se Donald Trump po i jep fund abuzimit të sistemit të migrimit të Amerikës, nga ata që synojnë të pasurohen nga populli amerikan

14 Janar 2026, 18:43 Nga E.d

“Kjo ndalesë do të jetë në fuqi deri...“/ SHBA

SHBA- Shtetet e Bashkuara të amerikës pezulluan shqyrtimin e vizave për emigrantët nga 75 shtete. Këtu përfshirë edhe emigrantët nga Shqipëria, Kosova, Mali i Zi dhe Bosnjë e Hercegovina. Zëdhënësi i DASH përmes një postimi në rrjetet sociale, deklaroi se kjo ndalesë do të jetë në fuqi, deri kur SHBA-ja të sigurohet që migrantët e rinj nuk do të përfitojnë nga populli amerikan

“Departamenti i Shtetit do të pauzojë shqyrtimin e vizave për emigrantë nga 75 shtete, migrantët nga të cilët marrin ndihma sociale nga populli amerikan në nivele të papranueshme. Kjo ndalesë do të jetë në fuqi deri kur SHBA-ja të sigurohet që migrantët e rinj nuk do të përfitojnë nga populli amerikan”, shkroi Departamenti amerikan i Shtetit në X.

Ndësa zëdhënësi i Departamentit amerikan të Shtetit, Tommy Pigott u shpreh se Donald Trump po i jep fund abuzimit të sistemit të migrimit të Amerikës, nga ata që synojnë të pasurohen nga populli amerikan

“Administrata e presidentit amerikan, Donald Trump po i jep fund abuzimit të sistemit të migrimit të Amerikës nga ata që synojnë të pasurohen nga populli amerikan”. tha ai.

Pezullimi do të fillojë më 21 janar dhe do të vazhdojë pa afat të caktuar, derisa departamenti të kryejë një rivlerësim të procesimit të vizave të emigracionit. Ky pezullim i raportuar vjen ndërsa po zhvillohet një goditje e gjerë ndaj imigracionit që po ndjek Presidenti republikan i SHBA-së Donald Trump që nga marrja e detyrës në janar të vitit të kaluar.

Në nëntor, Trump kishte premtuar se do të pezullonte përkohësisht migrimin nga të gjitha vendet e treta të Botës, pas të shtënave me armë pranë Shtëpisë së Bardhë nga një shtetas afgan që vrau një anëtar të Gardës Kombëtare. Në listë gjithsej janë 75 vende, mes tyre Shqipëria dhe Kosova./Dosja.al

shba viza emigracion

Sondazh

Poll