Aktualitet

Prurjet e ujit shënojnë rënie të ndjeshme, ndërpriten shkarkimet nga hidrocentrali i Fierzës dhe mbyllet Porta 4

Burime nga HEC-i bëjnë me dije se Porta 4, nga e cila kryheshin shkarkimet, është mbyllur plotësisht.

13 Janar 2026, 15:22 Nga E.d
Prurjet e ujit shënojnë rënie të ndjeshme, ndërpriten
Foto ilustruse

KUKËS- Prurjet e ujit kanë shënuar rënie të ndjeshme, ndaj për këtë arsyeje janë ndërprerë edhe shkarkimet nga hidrocentrali i Fierzës. Burime nga HEC-i bëjnë me dije se Porta 4, nga e cila kryheshin shkarkimet, është mbyllur plotësisht.

Në orën 13:00, prurjet në Fierzë ranë në 450 metra kub për sekondë. Deri në këto momente, niveli i ujit në liqenin e Fierzës ndodhet në kuotën 292.6 metra. Ndërkohë, që kapaciteti maksimal i lejuar është 296 metra.

Mbyllja e portës ka ardhur si pasojë e rënies së prurjeve anësore. Kjo ka bërë të panevojshme vijimin e shkarkimeve. Edhe në hidrocentralet e Komanit dhe Vaut të Dejës, priten të ulen shkarkimet./Dosja.al

porta 4 hidrocentrali i fierzës shkarkimet

Sondazh

Poll