Aktualitet

U kapë duke kryer shitblerjen e 5 kilogramëve kanabis, arrestohen dy persona në Tropojë

Policia ka sekuestruar sasinë e lëndës narkotike, automjeti me të cilin ishte transportuar dhe një shumë parash. 

7 Janar 2026, 14:48 Nga E.d
U kapë duke kryer shitblerjen e 5 kilogramëve kanabis, arrestohen dy
Foto ilustruse

TROPOJË- Policia ka arrestuar dy persona në Tropojë. Ata u arrestuan nga forcat blu, pasi u kapën në flagrancë duke kryer shitblerjen e 5 kilogramëve kanabis. Policia ka sekuestruar sasinë e lëndës narkotike, automjeti me të cilin ishte transportuar dhe një shumë parash. 

Njoftimi i policisë

Tropojë/ Finalizohet nga Komisariati i Policisë Tropojë, në bashkëpunim me DVP Kukës, operacioni policor i koduar “Start 2026”, për goditjen e veprimtarive kriminale në fushën e narkotikëve.        

Kapen në flagrancë nga shërbimet e Policisë, në fshatin Astë, duke kryer shitblerjen e 5 kilogramëve kanabis, vihen në pranga 2 shtetas. Sekuestrohen sasia e lëndës narkotike, automjeti me të cilin ishte transportuar dhe një shumë parash. 

Si rezultat i administrimit të shpejtë të informacioneve të siguruara për shitblerjen e një sasie lënde narkotike, Komisariati i Policisë Tropojë, në bashkëpunim me strukturat e DVP Kukës, organizoi dhe finalizoi në drejtimin e Prokurorisë, operacionin policor të koduar “Start 2026”.    

Në kuadër të këtij operacioni u arrestuan shtetasit: I. M., 22 vjeç, banues në fshatin Astë dhe S. A., 22 vjeç, banues në Tiranë. Këta shtetas u kapën në flagrancë nga shërbimet e Policisë, në fshatin Astë, në momentin kur shtetasi I. M. po i shiste lëndën narkotike, shtetasit S. A.       

Qesja me lëndë narkotike kanabis, me peshë 5 kilogramë, që u gjet gjatë kontrollit në automjetin e shtetasit I. M., u sekuestrua në cilësinë e provës materiale, bashkë me automjetin dhe një shumë parash. Materialet procedurale iu referuan Prokurorisë, për veprime të mëtejshme./Dosja.al

tropojë policia kanabis

Sondazh

Poll

MË SHUMË