Aktualitet

“Mos bini pre e mashtrimeve"/ Policia apel qytetarëve: Kujdes linqet në “WhatsApp”! Synojnë marrjen e kontrollit të llogarisë

Ky paralajmërim nga Drejtoria për Hetimin e Krimit Kibernetik, vjen në kuadër të fushatës mashtruese (phishing) në platformën “WhatsApp”.

30 Dhjetor 2025, 09:33 Nga D.S

“Mos bini pre e mashtrimeve"/ Policia apel qytetarëve: Kujdes

foto ilustruese

TIRANË- Policia e Shtetit i ka bërë një thirrje qytetarëve që të tregohen të kujdesshëm në aplikacionin e tyre “WhatsApp” në raste kur vijnë linqe të çuditshme në llogari. Ky paralajmërim nga Drejtoria për Hetimin e Krimit Kibernetik, vjen në kuadër të fushatës mashtruese (phishing) në platformën “WhatsApp”.

Sipas tyre, këto lloj mesazhesh synojnë marrjen në kontroll të llogarisë personale të përdoruesve të Whatsapp. Policia iu bën thirrje qytetarëve të mos klikojnë në lidhje të dyshimta, mos japin kode verifikimi apo të dhëna personale dhe gjithashtu të raportojnë në çdo rast të dyshimtë pranë Policisë së Shtetit.

Njoftim i plotë

Paralajmërim për fushatë phishing në platformën “WhatsApp”. Drejtoria për Hetimin e Krimit Kibernetik paralajmëron qytetarët për qarkullimin e një fushate mashtruese (phishing) në platformën “WhatsApp”.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Policia e Shtetit iu bën thirrje qytetarëve:

• Të mos klikojnë në lidhje të dyshimta, edhe kur mesazhi iu shkon nga kontakte të njohura;

• Të mos japin kode verifikimi, fjalëkalime apo të dhëna personale;

• Të aktivizojnë verifikimin me dy hapa (Two step verification) në aplikacionin “WhatsApp”;

• Të raportojnë çdo rast të dyshimtë pranë strukturave të Policisë së Shtetit.

Policia e Shtetit po monitoron situatën dhe fton qytetarët të tregojnë kujdes maksimal ndaj mesazheve që ofrojnë votime, çmime apo përfitime të menjëhershme./Dosja.al 

inqet në “whatsapp” drejtoria për hetimin e krimit kibernetik fushatë phishing

Sondazh

Poll

MË SHUMË