Politike

"Do kemi greva e demonstrata"/ Berisha: Nuk ishte pjesë e hartimit qëndrimi në shesh, protesta e radhës…

Ndër të tjera Berisha deklaroi se grumbullimet e demokratëve do të përshkallëzohen me demonstrata dhe greva.

22 Dhjetor 2025, 22:35 Nga E. D
"Do kemi greva e demonstrata"/ Berisha: Nuk ishte pjesë e
Sali Berisha

TIRANË- Kreu i Partisë Demokratike, Sali Berisha, duke folur për protestën që PD-ja zhvilloi këtë të hënë përpara Kryeministrisë theksoi se nuk ishte planifikuar të qëndronte në shesh. Në intervistë për gazetaren e “Top Story”, kryedemokrati shtoi se do të vendoset se kur do të jetë protesta e radhës. Ndër të tjera Berisha deklaroi se grumbullimet e demokratëve do të përshkallëzohen me demonstrata dhe greva.

“Sot ne inauguruam fillimin e një procesi me të cilin ne do të shpëtojmë demokracinë, familjen dhe Shqipërinë. Jo nuk ishte pjesë e projektit qëndrimi në shesh. Protesta se kur do të jetë do të përcaktohet. Ne jemi në një kthesë përfundimtare që shënon një etapë të re, lëvizje të fuqishme që opozita ka një mision.

Protesta shënon, inauguron, fillimin e përpjekjes më të fuqishme për largimin e Edi Ramës, nuk ndalën më. Do të jenë të tilla, do të jenë me demonstrata, greva, të të gjitha llojeve. Ky ishte inaugurim i misionit tonë. Ky mision do të përcaktohet nga vlerësimi i situatës”, tha Berisha./Dosja.al

sali berisha

Sondazh

Poll

MË SHUMË