Politike

Skandal/ Spiropali quan shqiptarët minoritet në Maqedoninë e Veriut

Takimi u fokusua në thellimin e bashkëpunimit dypalësh, përfshirë në fushën e ekonomisë dhe investimeve. Po ashtu, edhe në përgatitjet për mbajtjen e sesionit të ardhshëm të takimit ndërqeveritar G2G.

22 Dhjetor 2025, 14:57 Nga I.A
Skandal/ Spiropali quan shqiptarët minoritet në Maqedoninë e
Elisa Spiropali

MAQEDONI E VERIUT- Ministrja për Europën dhe Punët e Jashtme, Elisa Spiropali bëri një deklaratë të fortë për nga përmbajtja dhe formulimi diplomatik. Duke folur për “reciprocitetin në trajtimin e minoriteteve”, Spiropali i përmendi shqiptarët në Maqedoninë e Veriut në të njëjtën fjali me pakicën maqedonase në Shqipëri, duke i trajtuar si pakicë.

"Marrëveshja e Ohrit është standard, barazim reale në të drejta, përfaqësim dhe dinjitet. Marrëdhënia mes dy vendeve tona qëndron edhe mes këtyre dy shtyllave të forta, respektimit të minoritetit shtetformues shqiptarë në Maqedoninë e Veriut dhe minoritetit maqedonas në Shqipëri", tha Spiropali.

Deklarata u bë në kuadër të agjendës zyrtare të vizitës dhe nuk u korrigjua apo sqarua në moment, pavarësisht peshës së saj politike dhe simbolike.

Shqiptarët në Maqedoninë e Veriut nuk janë minoritet, por popull shtetformues, me mbi 30 përqind të popullsisë, faktor kushtetues, historik dhe demografik në këtë shtet. Ky status i veçantë është i njohur jo vetëm politikisht, por edhe juridikisht, përmes Marrëveshjes së Ohrit dhe rendit kushtetues të vendit./Dosja.al

elisa spiropali

Sondazh

Poll

MË SHUMË