Politike

Kampet e emigrantëve! Meloni e sigurt: Marrëveshja me Shqipërinë do të japë rezultat dhe do të ulë flukset

Deklarata u bë gjatë një seance në parlamentin italian, ku Meloni theksoi se i ashtuquajturi “model shqiptar” po tërheq vëmendjen e disa vendeve evropiane dhe, sipas saj, në Itali pritet të ndikojë drejtpërdrejt në reduktimin e emigracionit të parregullt.

17 Dhjetor 2025, 15:48 Nga M.L
Kampet e emigrantëve! Meloni e sigurt: Marrëveshja me
Rama, Meloni

ITALI- Kryeministrja e Italisë, Giorgia Meloni, është shprehur e bindur se marrëveshja me Shqipërinë për menaxhimin e emigrantëve do të japë rezultate konkrete. Deklarata u bë gjatë një seance në parlamentin italian, ku Meloni theksoi se i ashtuquajturi “model shqiptar” po tërheq vëmendjen e disa vendeve evropiane dhe, sipas saj, në Itali pritet të ndikojë drejtpërdrejt në reduktimin e emigracionit të parregullt.

Ajo nënvizoi se kjo qasje përfaqëson edhe një instrument të rëndësishëm parandalues në luftën kundër trafikimit të qenieve njerëzore, pavarësisht kritikave dhe kundërshtimeve nga forcat e majta.

Deklaratat e Melonit u bënë në prag të mbledhjes së Këshillit Evropian, ku në fokus do të jenë çështjet e sigurisë dhe migracionit në rajon. Kryeministrja italiane u ndal gjithashtu edhe te zhvillimet në Ukrainë, duke sqaruar se Italia nuk ka autorizuar përdorimin e aseteve ruse dhe se çdo vendimmarrje në këtë drejtim duhet të mbështetet në një bazë të qartë ligjore.

“Modeli i bashkëpunimit mes Shqipërisë dhe Italisë, për të zgjidhur emigracionin e paligjshëm do të ketë sukses. Ky model shërben më së miri dhe si mjet parandalues për të luftuar trafikun e qenieve njerëzore, pavarësisht kundërshtive nga e majta, e çdo lloj niveli”, tha Meloni./ Dosja.al

giorgia meloni

Sondazh

Poll