Politike

"Të vendosen sanksionet"/ Rama për mungesën e informacionit: Duhet të sanksionohen Ministrat dhe Sekretarët e Përgjithshëm

Gjatë fjalës së tij në Konferencën për të Drejtën e Informimit, Rama u shpreh se për Ministritë duhet që të kenë 10 ditë kohë që të japin informacion, për pyetjet që iu drejtohen. 

16 Dhjetor 2025, 10:56 Nga I.A
"Të vendosen sanksionet"/ Rama për mungesën e
Edi Rama

TIRANË- Kryeministri Edi Rama ka deklaruar se nga Komisioneri për të Drejtën e Informimit duhet që të vendosen sanksionet në fuqi në lidhje me institucionet që refuzojnë të japin informacion. Gjatë fjalës së tij në Konferencën për të Drejtën e Informimit, Rama u shpreh se për Ministritë duhet që të kenë 10 ditë kohë që të japin informacion, për pyetjet që iu drejtohen. 

Ndërkohë që në ditën e 11, Rama u shpreh se duhet që të sanksionohen Ministrat si dhe Sekretarët e Përgjithshëm të Ministrive. 

"E kemi diskutuar edhe me Komisionerin, kemi pasur edhe një mbledhje qeverie, ku kemi theksuar që të jemi një fokus më të madh në këtë aspekt. Për këtë arsye kemi shtyrë përpara edhe projektin e transparencë Albania, që është një projekt ambicioz për të pasur në një territor virtual informacionin. Kjo do të lehtësonte edhe gjetjen e informacionit. Një pjesë e konsiderueshme e këtyre problematikave lidhet me përtacinë burokratike. Nuk është barrikadë për të mbajtur informacionin, por është një problematikë e funksionimit të brendshëm të administratës. Kjo është e përmirësueshme, më pak se ç’do të prisnin ata që shohin gotën gjysmë bosh.

Për të qenë transparent, unë i kam bërë Komisionerit një vërejtje, e vërtetë, për aq sa i bëj një institucioni të pavarur, që është mungesa e sanksioneve për autoritetet më të larta. Ligji është i qartë; 10 ditë është koha për t’u përgjigjur. Kjo mund të jetë shumë. Nëse në ditën e 11 nuk ka përgjigje, përgjigjja është sanksioni. Duhet të sanksionohet institucioni përgjegjës. Duhet të bëhet delegimi te sekretarët e përgjithshëm. Duhet të sanksionohen ministrat dhe sekretarët e përgjithshëm në ditën e 11.

Nëse do të ndodhë kjo në mënyrë të përsëritur, do të krijohet ndjesia e urgjencës, do të punohet si me sektorin e gotës gjysmë bosh. Duhet të vendosen sanksione. Kishim problem parkimin e paligjshëm të të gjithë deputetëve të Kuvendit, mbi trotuaret e mundshme dhe lulishtet dhe hapësirat publike rreth e rrotull. Ku janë sot? Pse s’ka më që parkojnë ashtu? U vendosën sanksione dhe u gjobitën dhe e kuptuan se loja e parkimit mbaroi. Nuk ka më makina ministrash që shkelin semaforin. Ndaj u fol me shoferët që mos të ndiheshin me faj dhe se duhet të respektonin ligjin,” tha ai./Dosja.al

edi rama

Sondazh

Poll

MË SHUMË