Politike

"KLP tregoi mizogeni të plotë"/ Berisha: Ndryshe nga Dumani, Braho u zgjodh në përputhje me Kushtetutën

Pas daljes nga SPAK, Berisha komentoi gjithashtu praninë e diplomatëve të huaj në mbledhjen e KLP-së, duke deklaruar se ajo dëshmon presion të fortë politik mbi institucionet nga ana e kryeministrit.

15 Dhjetor 2025, 10:47 Nga I.A

"KLP tregoi mizogeni të plotë"/ Berisha: Ndryshe nga Dumani,

TIRANË- Kryedemokrati Sali Berisha ka deklaruar se zgjedhja e kreut të SPAK Klodian Braho u zhvillua në përputhje me Kushtetutën. Pas daljes nga SPAK, Berisha komentoi gjithashtu praninë e diplomatëve të huaj në mbledhjen e KLP-së, duke deklaruar se ajo dëshmon presion të fortë politik mbi institucionet nga ana e kryeministrit. Ai e cilësoi reformën në drejtësi si një pseudo-reformë të ndërtuar mbi korrupsion dhe ndërhyrje politike.

"Në konferencën e shtypit para tre ditësh më pyetën dhe komenti im ishte ky. Në dallim nga paraardhësi i cili e mban atë vend çdo ditë në kundërshtim me Kushtetutën, ky u zgjodh në përputhje me Kushtetutën me 7 vota.
Famozi KLP ishte mizogen, a mund të kuptosh ti, ju pyes unë ju zonja, që ato zonjat e KLP-së, Mandri dhe ajo Bogdani, të mos i japin një votë të vetmes përfaqësuese të grave dhe vajzave, që arriti të kualifikohet për vlerësim.
E lanë pa asnjë votë. Mizogeni e plotë. Më shumë se mizogeni," tha Berisha./Dosja.al

klp sali berisha klodian braho

Sondazh

Poll