Politike

Berisha: Dumani po u lexonte agjentëve të BKH urdhrin e Ramës për armatosjen e tyre me ‘patllake druri’ se kanë tmerruar kryeministrin

Duke folur për gazetarët pasi doli nga SPAK, Kryedemokrati theksoi se Rama e kishte mbajtur të fshehtë për 20 ditë shkuarjen e agjentëve të BKH në kryeministri.

15 Dhjetor 2025, 10:22 Nga E. D
Berisha: Dumani po u lexonte agjentëve të BKH urdhrin e Ramës
Sali Berisha 

TIRANË- Kreu i Partisë Demokratike, Sali Berisha deklaroi Altin Dumani po u lexonte agjentëve të BKH urdhrin e Edi Ramës për armatosjen e tyre me ‘patllake druri’, pasi kanë tmerruar kryeministrin. Duke folur për gazetarët pasi doli nga SPAK, Kryedemokrati theksoi se Rama e kishte mbajtur të fshehtë për 20 ditë shkuarjen e agjentëve të BKH në kryeministri.

"Mirëmëngjes dhe një përshëndetje të përzemërt. Po të kërkoni ju të futeni në atë ndërtesë, nuk u lejojnë sepse po zhvillohej një takim shumë i veçantë. Altin Troplini kishte mbledhur BKH-në dhe u lexonte urdhrin e fundit të Edi Ramës. Do të çarmatosen që të gjithë agjentët e BKH dhe do armatosen me patllake dërrase. Më patllake të vërteta nuk do ketë, se na e tmerruan kryeministrin.

Dhe e kishte mbajtur të fshehtë 20 e ca ditë. Shkuarjen e agjentëve të BKH në kryeministri me patllake, Rama i tmerruar e mbajti të fshehtë 20 e ca ditë dhe e nxori të nesërmen e vendimit të Irenave të Kushtetueses. Të vendimit antikushtetues, antiligjor, të turpshëm, të paprecedent në historinë e Europës dhe botës për një vend me shtet ligjor," tha Berisha./Dosja.al

sali berisha

Sondazh

Poll